Romans 12:11 - De Beebaa Dabu

¹¹ Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

Romans 12:11 Referans Kwoze

Acts 18:25

Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo.

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

Proverbs 13:4

Tangada vaiduu e lodo gi mee, gai e deai donu ana mee e mau, aagai tangada hai hegau e maua mee alodahi oona e lodo ai.

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Acts 20:19

gai au ne hai hegau ange gi Tagi Maolunga i de lodo maolalo ma de dangi aama de hagauda denga mee hai ngadaa a de gau Ssuu ne hai mai gi de au.

Matthew 24:12

Gai e deai naa se aloha i daho dangada soa, i hiidinga de laumalie de baubau.

Proverbs 10:26

Denga vinegar e hai ga ssae denga niho, gai de useahi e hai ga tangi luu mada, gai e bei ai hogi dagodo o tangada vaiduu a dono dangada aamua e hai laa gi suuia ia.

Proverbs 22:29

Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

Proverbs 18:9

Tangada vaiduu i de hai ana hegau, se daina niio tangada e oohaa mee.

Exodus 5:17

Aagai Pharaoh ga hai ange, “Goodou gu kona donu doodou vaiduu, deelaa ai, goodou e hagataba, ‘Dugua mai gimaadeu e hulo e daumaha ange gi Tagi Maolunga.’

1 Timothy 5:13

E dahi ange mee, gilaadeu gu ngadi nnoho, ma de hagadaga saele i hale o dangada ga hai samu ai ma de baatai, aama de tala mee e dee heohi delaadeu tala.

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

Colossians 4:1

Denga gau aamua, goodou haia gi heohi ma de soe de hai oodou e hai hegau ange ai gi oodou dangada hai hegau, go hiidinga goodou e iloo bolo e dahi donu hogi oodou Ia Aamua i de langi.

1 Corinthians 7:22

Go hiidinga tangada se dangada hai hegau i dono masavaa ne hagahia ange ai i lodo o Tagi Maolunga se dangada ilaage niio Tagi Maolunga. E bei ai hogi, tangada ilaage i dono masavaa ne hagahia ai, gu se dangada hai hegau niio Klisdo.

Matthew 25:26

Aagai dono dangada aamua ga hai ange, ‘Koe se dangada hai hegau baubau ma de vaiduu! Koe e iloo bolo au e hagihagi i de mommee aagu tee doo, ma de hagabudu i de mommee aagu tee hagamalili ai?

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

Proverbs 31:15

Ia e oho age i de masavaa goi gohu ai; ia e hai gai a dangada i dono hale, ma duuhanga o ono haahine hai hegau.