Romans 12:1 - De Beebaa Dabu

¹ Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Romans 12:1 Referans Kwoze

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

Romans 6:19

Au e basa adu gi goodou i mee e hai i de laa tubua, i hiidinga doodou dee tonu. Gai e bei doodou hai ne dugu ange ai laa oodou angaanga gi denga hegau hakino gee, ma de baubau alodahi, aagai iainei goodou dugua ange oodou angaanga, gi hai hegau ange gi de heohi, e maua laa i de hai goodou gi dabu.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

Romans 6:16

E aha, goodou e dee iloo bolo noo goodou e dugu ange goodou e hai ai tangada hai hegau o dahi, gai goodou gu ni dangada hai hegau donu niiona — e dee hilihili be goodou e hai hegau ange gi de haisala, e dagina ange laa goodou gi maakau, aabe e hagallongo ange gi de mee e haia ga heohi goodou.

2 Corinthians 4:16

Deenei ai, gidaadeu gi dee llodo baageaa. Gai ga hagadaga iho naa donu odaadeu angaanga nei, gai odaadeu lodo e hagahoou i laangi alodahi.

Psalm 116:12

Se aha aagu e hagao ange ai Tagi Maolunga i de laumalie dono abodonu mai gi de au?

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

Isaiah 56:7

au e gaamai naa gilaadeu nei alodahi gi dogu mounga dabu, ma de hai gilaadeu gi malangilangi i dogu hale dalodalo. Gai au e malangilangi naa i alaadeu sigidaumaha dudu ma alaadeu sigidaumaha e hai i honga dogu mommee o ssigidaumaha; go hiidinga dogu hale e hagaingoo ange naa go de hale dalodalo o denga huaahenua alodahi.”

Ephesians 5:10

gai haia gi iloo e goodou be aahee mee e hagamalangilangi ina Tagi Maolunga.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

1 Peter 2:20

Aagai e heohi donu de tuhi a dangada goodou, noo goodou e golomagi oodou lodo i doodou hagaduasala, i hiidinga o oodou hegau baubau? Aagai noo goodou e golomagi oodou lodo i doodou hagaduasala, i hiidinga doodou hai tanuaa, gai de Maadua e malangilangi i goodou.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Romans 15:30

Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga,

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

1 Timothy 2:3

De mee nei se mee danuaa, gai e hagamalangilangi i mada luu mada o de Maadua taadeu Ia Hagamouli.

1 Thessalonians 5:12

Denga daina, gimaadeu e dangidangi adu goodou gi hagadubulia gilaadeu e hagaduu ngae ma e hai hegau i oodou magavaa, ma de dagi goodou i lodo o Tagi Maolunga aama de agoago adu goodou.

Luke 7:47

Deenei ai, au e hai adu gi de goe, dono aloha e laumalie, i hiidinga ono haisala e lagolago gai gu degi ange aagena. Aagai tangada ne damaa mee de mee ne degi ange ai gi de ia, e damaa mee hogi dono aloha.”

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.

1 Timothy 5:4

Aagai noo de hine gu magau dono bodu, gai e hanu ana dama aabe ni mogobuna, gai gilaadeu gi hai hegau i de hagadubu ina i mua i lodo olaadeu huaabodu donu, ma de sui ange hegau danuaa a olaadeu maadua, go hiidinga de mee nei se mee e hagamalangilangi ina de Maadua.

1 Thessalonians 4:10

Gai goodou e aaloha donu i denga daina alodahi i Macedonia. Aagai gimaadeu e dangidangi adu goodou, denga daina, gi haia gi hagadagadaga age oodou aaloha.

Romans 9:23

gai ia ga hagaago mai ai dono mahamaha laumalie ange gi gilaadeu oona gu abodonu ange laa aagena, go gilaadeu aana gu hagadabena ange gi de mahamaha mai i mua.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

Deuteronomy 14:2

Go hiidinga goodou gu hagadabu ange gi Tagi Maolunga doodou Maadua. Gai Tagi Maolunga gu hili goodou mai i denga huaadangada alodahi o henua i lalo, e hai ai dono huaadangada hagamogomogo.

Philemon 1:9

Gai au e dee lodo e hai de mee nei, aagai au e dangidangi adu i hiidinga dogu aloha i de goe. Deenei ai, go au go Paul, au se daane madumadua, gai iainei gu noho i lo te hale pono i hiidinga o Klisdo Iesu,

Philemon 1:10

au e dangidangi adu i hiidinga o dagu dama go Onesimus, au gu hai gi se damana niiona i dogu masavaa gu noho ai nei i lo te hale pono.

Numbers 7:21

ma e dahi kaau daane gauligi, ma e dahi ssiibi daane, ma e dahi ssiibi daane gu dahi laa ono ngadau, e hai ai ssigidaumaha dudu;