Romans 11:6 - De Beebaa Dabu

⁶ Aagai noo mee nei ne maua i dono abodonu, gai gu dee go hiidinga ai loo hegau a dangada; ana vakaa de abodonu nei ga dee se abodonu.

Romans 11:6 Referans Kwoze

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

Galatians 2:21

Au e dee hagangadi mee de abodonu o de Maadua; go hiidinga noo gimaadeu ne hagaheohi i de hainga, aagai teai donu haigamaiana de magau o Klisdo.

Titus 3:5

gai ia ga hagamouli gidaadeu; gai e dee go hiidinga o adaadeu hegau heohi, aagai go hiidinga dono degi, i dana hagagilimalali i de hagahoou odaadeu lodo i daho de Hagasaalunga Dabu,

Galatians 5:4

Goodou e daudali laa i de hainga e hagaheohi ai goodou, goodou gu vvae gee donu goodou i Klisdo; goodou gu dee maua i de kave de abodonu o de Maadua.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

Luke 6:13

Gai de masavaa huu ne ao ai de mee, gai Iesu ga hagahi ana dangada agoago ga hili e dinoangahulu ma dogolua i olaadeu magavaa, ga hagaingoo ange go de gau tala: