Romans 11:33 - De Beebaa Dabu

³³ Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

Romans 11:33 Referans Kwoze

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

Psalm 92:5

Tagi Maolunga, au hegau e maolunga mmao, gai au maanadu e gelo mmao!

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

Ephesians 3:10

gai ia gu hagaago mai ai iainei i daho de nohoanga dabu, ange gi denga dagi, ma gilaadeu iai ssauaa i lo te langi denga hagadaagangaa heiangi o de Maadua.

Ecclesiastes 3:11

Ia gu hai mee alodahi gi mahamaha i dono masavaa. Ia gu hai gi iloo e dangada de masavaa e dee ngado mai, aagai gilaadeu tigi maua i de tonu ange gi mee a de Maadua gu hai mai i taamada ga dae ai gi de hagaodi.

Psalm 36:6

Doo heohi e bei denga mounga maolunga; dau hagamodu muna e bei de moana gelo. Tagi Maolunga, koe e tilo danuaa ange dangada ma manu.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Romans 9:23

gai ia ga hagaago mai ai dono mahamaha laumalie ange gi gilaadeu oona gu abodonu ange laa aagena, go gilaadeu aana gu hagadabena ange gi de mahamaha mai i mua.

Psalm 97:2

Denga hagausinga ma de gohu boo dangodango e duuli ia; dono nohoanga hodooligi e hagaduu i de heohi ma de hagamodu muna heohi.

Psalm 77:19

Doo haiava e hano laa lo te lausedi, gai e hano laa magavaa o denga moana nnui; gai duulanga o oo dabuvae e dee gi gidee donu.

De Beebaa go Job 26:14

Tilo, mee nei go taamada donu huu o ana hegau, e bei taadeu hai e langona ai laa dana damaa musumusu mai. Gai goai e donu ange gi denga hatuli aana e hai i dono mmahi?”

Ephesians 2:7

gai ia ga hagaago mai ai dono abodonu laumalie ma dono degi mai gi gidaadeu i lodo o Klisdo Iesu i de masavaa e humai.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

De Beebaa go Job 9:10

Ia e hai mee hagalele mouli e dee maua laa gi tonu ange aagena, ma denga sauaa e dee maua laa i de dau.

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Proverbs 25:3

De maolunga o de langi ma de gelo o henua i lalo, e bei dagodo maanadu i lodo o de hodooligi e dee maua gi iloo.

Ephesians 3:18

gi maua ai e goodou i de tonu ange madali dangada alodahi o de Maadua gi de lahalaha, ma de looloa, ma de maolunga aama de gelo o de aloha,

De Beebaa go Job 37:19

Daalaa mai amaadeu muna e tala ange gi de Maadua; gimaadeu e dee maua i de hagatau amaadeu muna, i hiidinga amaadeu hagasaele e gohu.

De Beebaa go Job 33:13

Gai gu aha gu nanu ange ai naa goe i de ia, gai ia e dee basa ange donu gi muna a dangada?

De Beebaa go Job 15:8

Koe e hagallongo naa hagasaele a de Maadua? Gai go koe donu huu e dahi oo heiangi?

Psalm 139:6

De iloo mee nei e gona odi de hagalele mouli mai gi de au; gai e gona odi de maolunga, au e dee maua gi donu ange aagena.

Psalm 145:3

Tagi Maolunga e maolunga mmao, gai e heohi de hagalaumalie dono tuhi; dono maolunga e dee maua gi de tonu ange aagena.

Proverbs 25:2

De mahamaha o de Maadua go dana hai gi dee iloo dahi mee, gai de mahamaha o denga hodooligi go delaadeu ssala gi iloo dahi mee.

Ecclesiastes 7:24

De heiangi e mmao gee donu, e gelo ma de gelo mmao; gai goai e maua i de ssala gi gidee?

Ecclesiastes 8:17

au ne gidee hogi mee alodahi a de Maadua ne hai. Gai e deai se dangada e donu ange gi mee e hai i lalo de laa. Gai e dee galemu donu dana hagatale de ssala gi donu ange ia, gai e dee maua gi gidee. Gai ga hagadaba naa donu tangada heiangi bolo ia e iloo, gai ia e dee maua donu gi donu ange gi mee nei.

Isaiah 28:29

De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

1 Corinthians 2:10

aanei mee a de Maadua gu hagaago mai gi gidaadeu i daho dono Hagasaalunga. Go hiidinga de Hagasaalunga e tilo gi iloo mee alodahi, aama mee donu hogi a de Maadua e hai ngadaa laa i de iloo.

Esther 2:22

Gai de masavaa huu a Mordecai ne langona ai mee nei, gai ia ga tala ange gi de hine hodooligi go Esther, gai Esther ga tala ange gi de hodooligi, bolo go Mordecai ne hagailoo ina mai mee nei.

De Beebaa go Job 10:13

Aagai koe ne hagammuni de mee nei i oo lodo, gai au e iloo bolo deenei donu dau hagatau:

De Beebaa go Job 23:14

Ia e hai naa donu gi bei dana hagatau mai gi de au, gai e lagolago donu ana hagatau bee nei i ono lodo.