Romans 11:32 - De Beebaa Dabu

³² Go hiidinga de Maadua gu hhao dangada alodahi gi lo te hale pono o tee hagallongo i muna, gi maua ai e ia i de abodonu ange gi gilaadeu alodahi.

Romans 11:32 Referans Kwoze

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

Romans 3:9

Aahee ai adaadeu muna ange gi mee nei? E maua e gidaadeu de gau Ssuu i de hagataba bolo gidaadeu e kii ange tanuaa? E dee maua donu! Gidaadeu gu lava i de hagaago danuaa mai bolo de gau Ssuu ma denga Gentile alodahi gu too ange gi lalo ssauaa o de haisala,

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

John 12:32

Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

John 1:7

Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna.

Romans 5:19

Go hiidinga tee hagallongo i muna o dahi dangada daudahi ne hai dangada soa ga haisala, gai e bei ai hogi, de hagallongo i muna o dahi dangada daudahi ne hai ga heohi dangada soa.

Romans 11:31

iainei gilaadeu gu dee hagallongo i muna, gi maua ai hogi e gilaadeu i de kave de abodonu o de Maadua gu hagaago adu naa gi goodou iainei.

Galatians 3:23

I mua de dae mai o de gai, gai gidaadeu e noodia ma e nnoho i lalo ssauaa o de hainga, gidaadeu ne hhao gi lo te hale pono ga dae ai gi de masavaa e hagaago mai ai de gai.