Romans 11:28 - De Beebaa Dabu

²⁸ Gai e soa dangada Ssuu gu hai ma gu ni hagadaumee niio de Maadua i oodou hiidinga, i hiidinga delaadeu dee hagadonu de longo danuaa. Aagai gilaadeu ni dangada niio de Maadua e aloha ai, i hiidinga ia ne hili olaadeu dubuna madagidagi.

Romans 11:28 Referans Kwoze

Deuteronomy 10:15

Aagai Tagi Maolunga ne aloha i oodou dubuna madagidagi, ga hili goodou, olaadeu hagadiilinga, i magavaa o denga huaahenua alodahi, bei doodou hai gu gidee ai naa anailaa nei.

Romans 11:7

Gai dee hee ai tagodo? De gau Israel tee maua i de kave de mee alaadeu ne hagammahi laa ga ssala. Gai go gilaadeu gu hili laa ne gaavee, aagai gilaadeu ange laa ne hagamakaga olaadeu lodo,

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Matthew 21:43

Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Romans 11:11

Deelaa ai, au e ssili adu ange: E aha, de gau Israel gu baakuu laa ma gu dee maua ange i de hiihidi age? E dee maua donu! Gai delaadeu haisala ne hai ga maua e denga Gentile de hagamouli, gi llodo gaiaa ai de gau Israel.

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

Deuteronomy 9:5

E dee go hiidinga goodou e heohi aabe go de heohi oodou lodo, ne maua ai e goodou i de kave delaadeu henua; aagai go hiidinga delaadeu baubau, gai Tagi Maolunga doodou Maadua ga hai gilaadeu gi hulo gee mai i oodou mada i mua, gai ia e hagasula de hagatoo donu aana gu hagatoo donu ange ai gi oodou dubuna madagidagi, go Abraham, ma Isaac, aama Jacob.

Deuteronomy 8:18

Goodou hagamaanadu go Tagi Maolunga doodou Maadua, ne gaavadu oodou mahi ne maua ai nei e goodou oodou lava; gai ia ga hagasula ai dana hagatoo donu hagaheloongoi gu hagatoo donu ange ai laa gi oodou dubuna madagidagi, bei de hai oodou gu gide ai naa anailaa nei.

Deuteronomy 4:31

Gai Tagi Maolunga doodou Maadua se Maadua e lodo aloha; ia e dee tili naa donu aabe ngalo de hagatoo donu hagaheloongoi aana gu hai madali oodou dubuna madagidagi ga hagadonu i dahi hagatoo donu.

Romans 11:30

I mua gai goodou e dee hagallongo ange gi de Maadua, gai iainei goodou gu kave dono abodonu i hiidinga tee hagallongo i muna o de gau Ssuu;

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Luke 1:54

Ia gu bale ange dono dangada hai hegau go Israel, i dana maanadu dono lodo aloha,

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Genesis 26:4

Gai au e hai naa oo hagadiilinga gi soa, bei de lagolago o denga heduu i lo te langi i lunga, ma de gaavange gi gilaadeu de henua nei alodahi. Gai denga huaahenua alodahi o henua i lalo e manuuia naa i hiidinga o doo hagadiilinga,