Romans 11:1 - De Beebaa Dabu

¹ Gai au e ssili adu hogi: de Maadua gu tili laa donu ono dangada? E dee maua donu! Go hiidinga au donu se dangada Israel, go dahi hagadiilinga o Abraham, mai i de aamuli o Benjamin.

Romans 11:1 Referans Kwoze

2 Corinthians 11:22

Noo gilaadeu ni dangada Hebrew, gai au se dangada Hebrew hogi. Noo gilaadeu ni dangada Israel, gai ai se dangada Israel hogi. Noo gilaadeu ni hagadiilinga niio Abraham, gai au se hagadiilinga hogi niio Abraham.

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Philippians 3:5

au ne tuu dagaholiage i de hagavalu laangi i dua dogu haanau; au se dangada donu Israel, mai i de aamuli o Benjamin, gai ne haanau mai se dangada Hebrew, gai dagodo o de daohi de hainga, au se Pharisee;

Acts 26:4

De gau Ssuu alodahi e iloo dagodo o dogu mouli mai i dogu gauligi, gai au ne madua age i daho dogu huaahenua i Jerusalem.

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

2 Kings 23:27

Gai Tagi Maolunga ga hagadaba, “Au e kave gee naa Judah mai i mada luoogu mada, bei dagu hai ne kave gee ai laa Israel. Au e tili naa Jerusalem, go de aduhale aagu gu hili, ma de temple aagu ne hagadaba laa, ‘Go kilaa iai dogu ingoo.’ ”

Psalm 77:7

“E aha, de Ia Aamua e tili naa gidaadeu ga hano ai? Ia gu dee ahe ange naa donu e abodonu mai?

Luke 20:16

Ia e humai naa ga daa gilaadeu gi maakau, gai ga gaavange de veelenga laa gi hanu dangada gee.” De masavaa a dangada ne langona ai de mee nei, gai gilaadeu ga hagataba, “E dee maua donu gi hai mee nei!”

Romans 11:11

Deelaa ai, au e ssili adu ange: E aha, de gau Israel gu baakuu laa ma gu dee maua ange i de hiihidi age? E dee maua donu! Gai delaadeu haisala ne hai ga maua e denga Gentile de hagamouli, gi llodo gaiaa ai de gau Israel.