Romans 10:21 - De Beebaa Dabu

²¹ Aagai ia ne hagadaba i dagodo o Israel, “Mai i taiao ga boo ai gai au ne haalo ange luoogu lima gi dahi huaadangada dee hagallongo i muna ma de llodo e hai baasi.”

Romans 10:21 Referans Kwoze

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Proverbs 1:24

Au ne hagahi goodou, gai goodou tee llodo e hagallongo agu muna; au ne haalo adu dogu lima gi goodou, gai teai se goodou ne anga mai;

Nehemiah 9:26

Aagai gilaadeu tee hagallongo i au muna ma de hai baasi adu gi de goe. Gilaadeu ne daahuli gee i au hainga ma de daa ga maakau oo pelaabisi, go gilaadeu ne agoagona gilaadeu gi aahe mai ai gilaadeu gi de goe. Gai ne kona mmao delaadeu hagangadi mee goe.

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Jeremiah 25:4

Gai e dee galemu donu Tagi Maolunga ne aheahe ange ga hai gi loomai ono dangada hai hegau alodahi go denga pelaabisi gi oodou daha, gai goodou tee hagallongo alaadeu muna aabe ne anga ange gi alaadeu muna.

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Deuteronomy 9:13

Gai Tagi Maolunga ne hai mai ange hogi gi de au, “Au gu gidee donu dagodo o de gau nei, gilaadeu ni dangada donu makaga olaadeu lodo.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Jeremiah 35:17

Deenei ai, e hagadaba Tagi Maolunga, de Maadua o denga hagabuulinga hebagi, de Maadua o Israel: Tilo, au e hai naa gi loomai denga hagaduasala alodahi aagu gu lava laa i de tala e hai baasi ange ai gi Judah ma dangada alodahi e nnoho i Jerusalem, go hiidinga au ne basa ange gi gilaadeu, aagai gilaadeu tee hagallongo mai; au ne hagaagahi gilaadeu, aagai gilaadeu tee pasa mai.”