Romans 10:19 - De Beebaa Dabu

¹⁹ Aagai au e ssili adu: E aha, de gau Israel tee tonu ange laa donu? Taamada gai Moses ne hagadaba, “Au e hai naa goodou gi llodo gaiaa i gilaadeu tigi hai gi se huaahenua; ma de llili i dahi huaahenua llodo ssenga.”

Romans 10:19 Referans Kwoze

Deuteronomy 32:21

Gilaadeu ne hai au ga maagoda i denga diinonga e dee ni maadua abodonu; gilaadeu gu hai au gi lili i olaadeu ngadi diinonga. Au e hai naa gilaadeu gi llodo gaiaa i dangada tigi se huaahenua; au e hai naa gilaadeu gi llili i dahi huaahenua dee heiangi.

Romans 11:11

Deelaa ai, au e ssili adu ange: E aha, de gau Israel gu baakuu laa ma gu dee maua ange i de hiihidi age? E dee maua donu! Gai delaadeu haisala ne hai ga maua e denga Gentile de hagamouli, gi llodo gaiaa ai de gau Israel.

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.

1 Corinthians 1:12

gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,”  gai tangada ange laa e hagadaba, “Au e daudali ange gi Klisdo.”

1 Corinthians 15:50

Denga daina, au e tala adu de mee nei: kano ma dodo e dee maua i de ulu i de nohoanga hodooligi o de Maadua, gai de angaanga e magau laa e dee maua hogi i de kave de angaanga e dee maua laa gi magau.

1 Corinthians 12:2

Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa.

1 Corinthians 11:22

E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.

1 Corinthians 10:19

Aahee agu muna e tala adu nei? Au e hai adu nei bolo gai gu sigidaumaha ange gi denga diinonga ni mee dau, aabe denga diinonga ni mee dau?

1 Corinthians 7:29

Denga daina, deenei de hagadoonunga o muna nei, de masavaa gu hagamodu gu baa mai donu. Mai iainei gai denga daane dau bodu gi bei denga daane e deai olaadeu bodu,

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Romans 3:26

De mee nei ne hai e hagaago mai ai dono heohi i de masavaa nei, gai ia e hagaheohi tangada e gai ange gi Iesu.

Hosea 2:23

gai au e doo naa ia e hai ai dagu manu i de henua. Au e lodo aloha ange naa gi Lo-Ruhamah, gai au e hai ange naa gi Lo-Ammi, ‘Goodou go ogu dangada’; gai ia e hai mai naa gi de au, ‘Go koe dogu Maadua.’ ”

Jeremiah 10:14

Dangada alodahi e ssenga ma tee iloo mee, de labagau o denga goolo gu hagadogaa ina i ono diinonga. Ono diinonga e dee ni mee abodonu; gilaadeu e dee maua i de manavanava.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.