Romans 10:18 - De Beebaa Dabu

¹⁸ Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Romans 10:18 Referans Kwoze

Psalm 19:4

Olaadeu leo e hulo ma e tae gi henua i lalo alodahi, gai alaadeu muna e tae gi de bido laa o henua i lalo. De Maadua gu hagaduu dahi hale malo moo de laa i lo te langi,

Romans 1:8

I mua nei, gai au e hagaahe ange de abodonu gi de Maadua i de ingoo o Iesu Klisdo i oodou hiidinga alodahi, go hiidinga dangada alodahi i henua i lalo gu langona dagodo o doodou kai ange gi de ia.

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

1 Thessalonians 1:8

Gai muna a Tagi Maolunga tee hagadele mai donu huu i oodou daha i Macedonia ma Achaia, aagai oodou kai ange gi de Maadua gu dele saele hogi i mommee alodahi. Deelaa ai, e deai ange donu amaadeu muna e maua i de tala adu.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Matthew 26:13

Ni muna abodonu aagu e hai adu nei gi goodou, be go hee naa huu e tala ai de longo danuaa nei i henua i lalo, aagai hegau a de hine nei e tala naa hogi, e hagamaanadu ai ia.”

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Matthew 4:8

Gai de ia hagabaubau laa ne kave hogi ia gi dahi mounga maolunga mmao, ga hagaago ange gi de ia denga nohoanga hodooligi o henua i lalo alodahi ma olaadeu mahamaha,

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Isaiah 24:16

Gimaadeu gu langona de leo o taahili mai i luu bido o henua i lalo: “Hagamahamaha ina de Ia Heohi laa!” Aagai au ne hagadaba, “Au gu hagadaga mai! Au gu hagadaga mai! Gu vakaa loo au! De gau hadu muna e duudagi de hagabaubau! Gilaadeu e hagadaga ange donu de hagabaubau.”

1 Kings 18:10

Au e hagatoo donu i de mouli o Tagi Maolunga, doo Maadua, bolo e deai donu se huaahenua, aabe se nohoanga hodooligi daudahi a dogu dangada aamua tigi kave hanu dangada gi saalaa ai goe. Gai de masavaa naa huu a dahi huaahenua, aabe se nohoanga hodooligi e tala ai bolo koe e dee maleva i kilaa, gai Ahab ga hai gilaadeu gi hagatoo donu ange, bolo gilaadeu tigi gidee donu goe.

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Mark 16:20

Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”