Romans 10:16 - De Beebaa Dabu

¹⁶ Aagai e dee go de gau Israel alodahi ne daohia muna o de longo danuaa; go hiidinga Isaiah ne hagadaba, “Tagi Maolunga, goai ne hagadonusia amaadeu agoago?”

Romans 10:16 Referans Kwoze

Isaiah 53:1

Goai e hagadonusia amaadeu muna gu tala? Gai goai a Tagi Maolunga gu hagaago ange aagena ssauaa o dono lima?

Romans 3:3

Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu?

Hebrews 4:2

Gai de longo danuaa ne gaamai gi gimaadeu bei de hai ne gaavange ai laa hogi gi gilaadeu; aagai agoago alaadeu ne langona teai haigamaiana ange gi gilaadeu, go hiidinga gilaadeu tee kave i de gai.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Galatians 5:7

Goodou nogo saavini danuaa donu; gai goai ne daohia goodou gi dee daudali i de muna abodonu?

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

Romans 6:17

Aagai de abodonu ange gi de Maadua! I mua gai goodou ni mee hai hegau niio de haisala, aagai iainei goodou gu hagallongo ange gi mee oodou gu agoago ai, i oodou lodo alodahi.

Romans 2:8

Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋.

1 Peter 3:1

E bei ai hogi, denga haahine dau bodu, goodou hagadubu ina oodou bodu. Gai noo hanu gilaadeu tigi hagadonusia muna a de Maadua, gai gilaadeu e gaavee naa olaadeu lodo i hiidinga dahulinga danuaa a olaadeu bodu, e dee go alaadeu muna e tala,

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.

Romans 16:26

aagai iainei gu hagaago mai ma de hai gi iloo e denga huaahenua alodahi i muna a denga pelaabisi gu lava laa i de sisi, bei dagodo muna a de Maadua e dee ngado mai laa, gi maua ai e gilaadeu i de daudali ai i de gai —

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Acts 28:24

Hanu gilaadeu ne hagadonusia ana mee ne tala ange gi gilaadeu, aagai hanu tee hagadonusia.

John 10:26

gai goodou e dee hagadonu, go hiidinga goodou e dee ni ssiibi niiagu.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Matthew 13:14

Gilaadeu gu hagassula donu muna a de pelaabisi go Isaiah e hai ange laa, ‘Goodou e langona gai e dee tonu ange aagena; goodou e gidee, aagai e dee madea.