Romans 10:12 - De Beebaa Dabu

¹² Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Romans 10:12 Referans Kwoze

Philippians 4:19

Gai dogu Maadua e gaavadu naa gi goodou mee alodahi oodou e duasala ai, gi bei laumalie o dono lava i lodo o Klisdo Iesu.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

Philippians 2:11

gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Romans 14:9

Deenei de hiidinga o Klisdo ne magau ai laa ma de mouli age ange, gai ia ga hai ai go Tagi Maolunga olaadeu e maakau aama gilaadeu e mouli.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Ephesians 2:7

gai ia ga hagaago mai ai dono abodonu laumalie ma dono degi mai gi gidaadeu i lodo o Klisdo Iesu i de masavaa e humai.

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

Romans 15:12

Gai Isaiah gu hagadaba hogi, “De mogobuna o Jesse e humai naa, ia e hanage naa ga dagi denga Gentile; gai go ia de tali hagalodolodo a denga Gentile.”

Acts 9:14

Gai ia gu kave hogi ssauaa mai i daho de gau haimeedabu maolunga e noonooa ai dangada alodahi e hagahia doo ingoo.”

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Acts 7:59

Gai de masavaa alaadeu e maga ai Stephen, gai ia ne dalodalo ga hai ange, “Tagi Maolunga go Iesu, gaavee dogu hagasaalunga.”