Romans 1:23 - De Beebaa Dabu

²³ gilaadeu gu sui de daumaha ange gi de Maadua e deai laa se magau, gai ga daumaha ange gi denga diinonga e hagadulagi ange laa gi dagodo o dangada e maakau laa, ma denga manu llele, ma manu dolodolo aama manu e tolo laa i honga de gelegele.

Romans 1:23 Referans Kwoze

Psalm 106:20

Gilaadeu ne hagahesuihagi de mahamaha o delaadeu Maadua i dahi diinonga ne hagadulagi ange gi de kaau, e gai laa denga helii.

Jeremiah 2:11

Gu dahi laa huaahenua ne suuia olaadeu diinonga? (Olaadeu diinonga e dee ni diinonga abodonu.) Aagai ogu dangada gu hagahesuihagi de mahamaha o delaadeu Maadua i denga diinonga e deai olaadeu haigamaiana.

Acts 17:29

Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada.

Romans 1:25

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

1 Peter 4:3

Gu odi de masavaa e hai hegau ai bei denga Gentile — go de hai denga dahulinga baubau, ma lodo o de angaanga, ma de unu gi senga, ma de hai daonga e unu ai ga ssenga dangada ma de hagalongaa, aama de daumaha ange gi denga diinonga hakino gee.

Ezekiel 8:10

Gai au ne ulu ga tilo, gai au ne gidee denga hagadaagangaa manu e tolo laa e maaga ange gi de baasi o de hale, ma denga manu dolodolo hakino gee, aama denga diinonga alodahi o de gau Israel.

Deuteronomy 5:8

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

Isaiah 44:13

De labagau e haide i dahi uga ma de maaga i de mee maaga; gai ia ga salu de laagau laa i denga mee salu ma de maaga i denga compass. Ia e hagahua gi bei hoolinga o tangada, ga hai gi mahamaha bei tangada, gi maua ai i de hagaduu i lo te hale.

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

1 Corinthians 12:2

Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa.

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

Acts 10:12

Gai e honu i denga hagadaagangaa manu dolodolo ma manu e tolo i honga de gelegele, aama denga manu llele.