Romans 1:20 - De Beebaa Dabu

²⁰ Gai mai i taamada age de hagadau o henua i lalo, gai dagodo o de Maadua e dee gidee laa (dono sauaa e dee ngado laa ma ono dagodo e hagaagona mai laa bolo ia se Maadua abodonu) gu gidee danuaa i mee aana gu lava i de hai. Deenei ai, gilaadeu e dee maua donu i de hagataba bolo gilaadeu e dee iloo ia.

Romans 1:20 Referans Kwoze

Romans 1:19

Gilaadeu gu iloo donu dagodo o de Maadua gu lava laa i de hagaago mai, go hiidinga de Maadua gu lava donu i de hagaago ange gi gilaadeu.

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Psalm 8:3

De masavaa aagu e tilo ai de langi, go hegau aau ne hai i luoo lima, de maasina ma denga heduu aau gu dugu i olaadeu duulanga,

Romans 2:15

Gai gilaadeu e hagaago mai bolo de hainga gu sisi donu i olaadeu lodo, gai tagi o olaadeu lodo e tala hagadonu hogi mee nei, gai alaadeu maanadu e hagabaubau aabe e hagaheohi gilaadeu,)

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 15:22

Noo au tee humai ga tala ange muna nei gi gilaadeu, gai gilaadeu e dee haisala. Aagai iainei gilaadeu gu dee maua i de hagaheohi olaadeu haisala.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Colossians 2:9

Gai dagodo alodahi o de Maadua gu daakodo donu i lodo o Klisdo, i dono angaanga.

Psalm 139:13

Koe ne hagadau mee i lo togu angaanga; koe ne llanga dogu angaanga i lo te dinae o dogu dinana.

Psalm 119:90

Doo hai hegau i de muna abodonu e dohu ange gi denga atangada alodahi; koe ne hagaduu henua i lalo, gai gu duu ga makaga.

Psalm 104:5

Koe ne hagaduu henua i lalo i honga ono dagelo, gai e dee maua naa donu i de hagangalue.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Isaiah 26:4

Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Psalm 104:31

De mahamaha o Tagi Maolunga e dagodo ga hano ai, gai Tagi Maolunga gi malangilangi i ana hegau gu hai;

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Romans 16:26

aagai iainei gu hagaago mai ma de hai gi iloo e denga huaahenua alodahi i muna a denga pelaabisi gu lava laa i de sisi, bei dagodo muna a de Maadua e dee ngado mai laa, gi maua ai e gilaadeu i de daudali ai i de gai —

Acts 17:29

Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada.

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Deuteronomy 33:27

De Maadua e mouli laa ga hano ai, go doo buibui, gai luoono lima dee ngado mai laa e daohi age goe. Ia e aau gee naa doo hagadaumee i oo mada i mua, ga hagadaba, ‘Daia gilaadeu gi maakau!’

Hebrews 11:27

Gai dono gai ne hai ga maua e ia i de hano gee mai i Egypt, ia tee madagu donu i de lili o de hodooligi; ia ne lodo mmahi i de golomagi ono lodo, go hiidinga ia gu gidee de ia e dee gidee laa.

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Genesis 21:33

Gai Abraham ga doo dahi tamarisk i Beersheba, gai ia ga dalodalo ange gi Tagi Maolunga, de Maadua e mouli laa ga hano ai.

Acts 22:1

“Denga daina ma damana, goodou hagalaangona gai au ga tala hagadonu adu ogu dagodo gi goodou iainei.”

Genesis 1:1

Taamada de hai a de Maadua de langi ma henua i lalo,

De Beebaa go Job 12:7

Aagai siilia ange gi denga manu dolodolo, gai gilaadeu ga agoago adu goodou, be siilia ange gi denga manu llele, gai gilaadeu ga tala adu gi goodou.

Jeremiah 51:15

Go ia ne haia henua i lalo i ono mahi; ma de hagaduu henua i lalo i dono heiangi, aama de hhola de langi i dono iloo mee.

Mark 10:6

Aagai mai i taamada age de hai o mee alodahi, ‘Gai de Maadua ne hai taane ma de hine,’ ⌊bei de hai gu sisi ai laa i de Beebaa Dabu⌋.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?