Revelation 9:3 - De Beebaa Dabu

³ Gai ne ssao mai ai hogi denga itebuubuu ga loiho gi henua i lalo, gai gu hai gilaadeu gi mmahi bei de mmahi o denga manu manga lua o henua i lalo.

Revelation 9:3 Referans Kwoze

Revelation 9:5

Gai denga itebuubuu laa gi hagaduasala ina donu huu dangada i e lima malama, gai e dee daa gilaadeu gi maakau. Gai gilaadeu e hagammae dangada bei de hai a de manu manga lua e hagammae ai laa tangada i dana kadi.

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Deuteronomy 8:15

Ia ne dagi mai goodou laa lo te vao laumalie ma de hagamaatagu, se mommee iai denga labodo ma manu manga lua, gai e mmasa ma teai vai iai. Gai ia ne hai ga ssali age denga vai mai i lo te baba makaga ga hagaunu ai goodou.

1 Kings 12:11

Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua.’ ”

Judges 7:12

Gai de gau Midian ma de gau Amalek, aama dangada alodahi mai i baasi dua e nnoho saele i lo te geelonga, gai gilaadeu e soa bei dagodo o denga itebuubuu lagolago mmao. Gai alaadeu gamelo e dee maua i de dau, bei denga gelegele i gabugabu tai.

Luke 10:19

Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

Nahum 3:17

Oo dangada hagaloosi gu bei denga itebuubuu, oo dagi gu bei de hagabuulingaa itebuubuu, e toga laa i honga denga buibui i de laangi hagamagalili — gai ga sobo age huu de laa, gai gilaadeu gu llele ga hulo, gai e deai e iloo be go hee olaadeu ne hulo aagena.

Nahum 3:15

De ahi e dudu naa goe i kilaa; de gadilaasa e daa naa goe ga magau, ma de gai goe ga odi bei hegau a de itebuubuu. Goodou hagadili gi soa bei de lagolago o denga manu e gaina helii, gai hagadili gi soa bei denga itebuubuu!

Ezekiel 2:6

Gai koe, tama a tangada, aude madagu i gilaadeu ma alaadeu muna, e dee galemu donu de duuli a denga manu duiduia ma manu daladala goe, ma doo noho i magavaa o denga manu manga lua. Gai koe aude madagu donu i alaadeu muna e tala adu gi de goe, aabe gi madagu i olaadeu mada, e dee galemu donu gilaadeu ni dangada hagamaanege.

Isaiah 33:4

Denga huaahenua, oodou goloa ne hai gi de mahi, gu odi i de gai a denga itebuubuu gauligi; gai dangada e hai gi de mahi naa mee nei bei hegau a denga hagabuulingaa itebuubuu.

2 Chronicles 10:11

Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua!’ ”

2 Chronicles 10:14

Gai Rehoboam ne basa ange gi dangada bei dagodo hagasaele a denga daane mmodo, ga hai ange, “Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua.”

Revelation 9:7

Gai denga itebuubuu laa e bei dagodo o denga hoosa e hagadabena ange laa e hulo gi de hebagi; honga olaadeu biho iai hanu mee be ni hau goolo, gai olaadeu mada e bei mada o dangada.