Revelation 9:20 - De Beebaa Dabu

²⁰ Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

Revelation 9:20 Referans Kwoze

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Deuteronomy 31:29

Go hiidinga au e iloo bolo dua naa huu dogu magau, gai goodou e hagahaisala naa, ma de hulo gee i de haiava aagu gu tala adu gi goodou. Gai denga mee hai ngadaa e paa naa i goodou i laangi e loomai, go hiidinga goodou e hai naa de baubau i mada luu mada o Tagi Maolunga, gai goodou e hai naa ia ga lili i oodou hegau e hai.”

Revelation 9:21

Gai gilaadeu tee daahuli gee donu i de daa dangada ga maakau, ma de hai huuhuaa mee, ma alaadeu dahulinga dagodo haisala aama de gaiaa.

1 Timothy 4:1

Gai de Hagasaalunga ⌊Dabu⌋ gu tala bolo hanu e daahuli gee naa i de gai i laangi hagaodi, gai gilaadeu ga daudali i lodo o hagasaalunga hadu muna aama de agoago i daho denga hagasaalunga baubau.

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Acts 7:41

Gai gilaadeu ne hai dahi diinonga ga hagadulagi ange gi dahi kaau gauligi i laangi laa, ga sigidaumaha ange gi tiinonga laa ma de malangilangi i de kaau alaadeu gu hagaduu laa.

Jeremiah 1:16

Gai au e hagailoo adu dagodo o dagu hagaduasala ogu dangada, i hiidinga o alaadeu hegau baubau alodahi ma delaadeu tili au; gilaadeu ne dudu mee maanongi ange gi denga diinonga ma de daumaha ange gi mee alaadeu ne hai i olaadeu lima.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Jeremiah 51:17

Dangada alodahi e ssenga ma teai selaadeu iloo mee, de labagau o denga goolo e hagadogaa ina naa i ono diinonga. Ono diinonga e dee ni mee abodonu; gilaadeu e dee maua i de manamanava.

Acts 17:29

Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada.

Matthew 21:32

Go hiidinga a John ne humai e hagaago adu gi goodou de haiava o de heohi, aagai goodou tee hagadonusia ana muna; gai dangada e hagabudulia taagisese ma denga haahine hai be ni manu ne hagadonusia ana muna. Goodou ne gidee donu hogi ana hegau ne hai, gai goodou tee daahuli oodou lodo aabe ne hagadonusia ana muna.

Jeremiah 44:8

Gai gu aha goodou gu hai ai au gi lili i oodou hegau e hai, i doodou dudu mee maanongi e sigidaumaha ange ai gi denga diinonga i de henua go Egypt, go de mommee oodou ne hulo laa ga nnoho ai? Gai goodou e hagaduasala donu huu goodou, ma de hai goodou gi se mee hagamalaia, ma de hakadanga ai dangada o huaahenua alodahi i henua i lalo.

Jeremiah 25:6

Goodou gi dee daudali ange i denga diinonga, ma de daumaha ange gi gilaadeu, gai goodou gi dee haia gi bole au i oodou hegau e hai, gi dee hagaduasala ina ai e au goodou.’

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Psalm 106:37

Gilaadeu ne sigidaumaha ange alaadeu dama daane ma damaa hine gi denga hagasaalunga baubau;

2 Chronicles 34:25

Gilaadeu gu tili au gai gu sigidaumaha ange mee maanongi gi denga diinonga, ga hagadaemaha ogu lodo i alaadeu hegau alodahi gu hai. Deenei ai, au e hai baasi ange gi de mommee nei i dogu lili, gai e dee maua donu i de haganoho.’

2 Kings 22:17

Gilaadeu ne tili au gai ga sigidaumaha ange mee maanongi gi denga diinonga, ga hagadaemaha ai ogu lodo i alaadeu hegau alodahi ne hai. Deenei ai, au e hai baasi ange gi de mommee nei i dogu lili, gai e dee maua donu i de haganoho.’

Deuteronomy 32:17

Gilaadeu ne sigidaumaha ange gi denga hagasaalunga baubau gilaadeu e dee ni maadua abodonu — ni maadua niilaadeu tee iloo i mua, ni maadua se goodo ssula age, gai ni mee niiodou dubuna madagidagi tee maatagu ai.

Revelation 16:8

Gai de haa dangada de langi ne llingi ange mee i lo tana boolo gi de laa, gai gu gaavange ssauaa gi de laa gi duungia ai dangada i de ahi.

Isaiah 41:7

Dahi labagau e hagammahi ange de labagau o denga goolo, gai tangada e haia gi soe ina i de haamaa e hagammahi ange naa tangada e dugidugia. Ia e hagadaba i dagodo o de mee hagapigi, “Gu danuaa.” Gai gilaadeu ga tugi gi makaga dahi diinonga gi dee ngalungalue ai.

Isaiah 2:8

Delaadeu henua gu honu i denga diinonga; gilaadeu e daumaha ange gi mee alaadeu e hagatuu, ma mee ne hai i olaadeu lima donu.

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

Leviticus 17:7

Gai gilaadeu e dee sigidaumaha ange donu gi denga ⌊diinonga e hagadulagi ange laa gi de⌋ guudi, ga haisala ai gilaadeu. Deenei de hainga gu hagasauaa ange gi gilaadeu ma olaadeu atangada alodahi i muli mai.’

Deuteronomy 4:28

Gai goodou ga daumaha ange ai naa gi denga diinonga laagau ma hadu, go mee e hagatuu i lima o dangada, gai e dee maua gi gidee dahi mee, be go de hagallongo, be go de gaimee, aabe go de hagadungu dahi mee.

Daniel 5:4

Gai gilaadeu ne unu uvaini, ma de tuhi ai denga diinonga e hai i goolo ma selevaa, ma bronze, ma iron, ma laagau aama hadu.

Micah 5:13

Au e oha naa oo diinonga laagau, ma de aau gee oo duludulu hadu dabu, gai koe e dee ahe ange naa donu e daumaha ange gi mee aau ne hagatuu i luoo lima.

Revelation 9:19

Gai mahi o denga hoosa laa go lodo olaadeu ngudu ma lodo olaadeu sugi iai. Olaadeu sugi e bei denga labodo hagammau, gai e hanu biho iai, gai go olaadeu sugi alaadeu e hagammae ai dangada.

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.