Revelation 7:17 - De Beebaa Dabu

¹⁷ Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Revelation 7:17 Referans Kwoze

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 4:11

De hine laa ne hai ange gi de ia, “Tangada aamua, koe e deai donu sau mee e asu ai vai, gai de vai geli nei e gelo. Gai go hee aau e gaamai ai de vai o de mouli naa?

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Psalm 23:5

Koe e hagadabena dahi deebele mai gi de au, i madamada o ogu hagadaumee. Koe e hagasulu dogu biho i de lolo; dagu ubu gu honu malingilingi.

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

John 10:11

Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi.

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

John 10:14

Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au,

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

Revelation 5:6

Gai au ne gidee hogi dahi Ssiibi Gauligi, e dagodo be se manu gu daia ma gu magau i mua, e duu i lo te ungaalodo o denga nohoanga laa, i magavaa o denga mee mouli laa aama denga daane maatua laa. Gai e hidu ono hanga ma e hidu ganomada, go denga hagasaalunga e hidu a de Maadua ne hai gi hulo gi henua i lalo alodahi.

Matthew 2:6

‘Aagai koe, Bethlehem, i de henua o Judah, koe e dee maolalo ange donu i denga aduhale maolunga o Judah; go hiidinga e sula age naa i oo daha dahi dagi gai ia ga dagi ai dogu huaadangada go Israel.’ ”

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Isaiah 60:20

De laa e hagamaalama ina goe e dee danu naa donu, de maasina e dee danu naa hogi; gai go Tagi Maolunga doo maalama e dee ngado mai, gai oo laangi e hinangalosaa ai e ui naa.

Isaiah 49:9

ma de hai ange gi gilaadeu i lo te hale pono, ‘Goodou ssao mai!’, gai e hai ange gi gilaadeu e nnoho i lo te gohu, ‘Ssao mai gi de maalama!’ Gilaadeu e bei naa denga ssiibi e gaimee i gaogao denga haiava, ma de gidee mommee iai helii i honga duuduu.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Isaiah 30:25

De laangi naa huu o de hebagi e daia ai laa dangada soa, ma de maoha ai de hale dagitilo maolunga, gai honga denga mounga ma duuduu maolunga iai naa denga mommee e ssali ai vai.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 65:19

Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.

Matthew 5:4

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Revelation 14:4

Gai de gau laa alodahi ni daane gilimalali, gilaadeu tigi hulo gi daho denga haahine e hai ai gi hakino gee gilaadeu. Aanei gilaadeu e daudali ange laa i Ssiibi Gauligi i mommee alodahi oona e hano aagena. Gilaadeu nei gu lava i de hagao ma gu hagaola mai i magavaa o dangada e hai ai denga hua i taamada ange gi de Maadua ma Ssiibi Gauligi.

Revelation 21:22

Gai au tee gidee dahi temple i lo te aduhale laa, go hiidinga de temple i kilaa go Tagi Maolunga de Maadua Mmahi Mmao laa aama Ssiibi Gauligi.

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.