Revelation 7:15 - De Beebaa Dabu

¹⁵ Deelaa ai, gilaadeu e tuu naa i mada i mua o de nohoanga o de Maadua, ga daumaha ange ai gi de ia i dono temple i de laangi ma de boo; gai de ia e noho laa i honga de nohoanga laa e buibui naa gilaadeu i dono noho i olaadeu daha.

Revelation 7:15 Referans Kwoze

Revelation 22:3

Gai e deai ange naa donu mee e hagamalaia, aagai de nohoanga o de Maadua ma Ssiibi Gauligi go kilaa naa hogi iai, gai ono dangada hai hegau e daumaha ange naa gi de ia i kilaa.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

1 Chronicles 23:25

Gai David ne hagadaba, “Go hiidinga Tagi Maolunga, de Maadua o Israel gu hai gi nnoho paba ono dangada gai ia gu humai e noho i Jerusalem ga hano ai,

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Hebrews 8:1

De mee hagamogomogo i lodo amaadeu muna e tala adu deenei: gidaadeu e dahi odaadeu dangada haimeedabu maolunga, e noho i de baasi madau o de nohoanga o de Ia Maolunga Mmao laa i de langi,

1 Corinthians 3:16

Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?

1 Kings 6:13

Au e noho i magavaa o de gau Israel, au e dee tili naa donu ogu dangada, go de gau Israel.”

Exodus 29:45

Gai au ga noho ai madali de gau Israel, gai go au delaadeu Maadua.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Leviticus 26:11

Gai au e hai naa dogu mommee noho i oodou magavaa, au gu dee kino i goodou.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Revelation 4:9

Gai de masavaa naa huu a denga mee mouli laa e daahili ai, ga hagamahamaha ma de hagadubu, aama de hagaahe ange de abodonu gi de ia e noho laa i honga de nohoanga laa, go de ia e mouli laa ga hano ai e dee ngado mai,

Revelation 13:6

Gai de manu laa ne basa ga hagangadi mee de Maadua, ma dono ingoo ma dono mommee e noho ai, aama gilaadeu e nnoho i de langi.

Revelation 21:22

Gai au tee gidee dahi temple i lo te aduhale laa, go hiidinga de temple i kilaa go Tagi Maolunga de Maadua Mmahi Mmao laa aama Ssiibi Gauligi.