Revelation 7:14 - De Beebaa Dabu

¹⁴ Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Revelation 7:14 Referans Kwoze

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Hebrews 13:12

Deelaa ai, Iesu ne hagaduasala hogi i tua de haitoga o de aduhale, gai ia ga hagagilimalali ai dangada i ono dodo.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Matthew 24:21

Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Romans 5:3

Gai e dee deenei donu huu, aagai gidaadeu e tuhi hogi taadeu hagaduasala ina, i hiidinga gidaadeu e iloo bolo taadeu hagaduasala ina e hai ga lodo mmahi gidaadeu;

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Revelation 15:2

Gai au ne gidee dahi mee be se vai masalaba bei de galaasa e ula ai de ahi, gai gilaadeu ne kii laa i de manu alasala laa, ma dono diinonga aama de nambaa o dono ingoo, e tuu i gaogao de vai laa. Gai gilaadeu e daohi denga harp a de Maadua gu gaavange laa gi gilaadeu.

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

2 Thessalonians 1:4

Deenei ai, gimaadeu e tala tuhi oodou dagodo i denga nohoanga dabu o de Maadua ange laa, i hiidinga doodou llodo mmahi ma doodou kai i de masavaa oodou ne vaivai haia ai, aama de hagauda denga hagaduasala alodahi i de golomagi lodo.

Exodus 37:3

Gai ia ne hagadaakodo e haa buulei goolo ga hagabigibigi ange gi denga vae e haa laa; e dagilua buulei i luu baasi ngaadahi.

Daniel 7:16

Gai au ne hano ga hagabaa ange gi dahi gilaadeu e duu laa i kilaa, ga ssili ange gi de ia de hagadoonunga abodonu o mee laa alodahi. Gai ia ne tala mai ma de hagadonu mai mee laa:

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Mark 13:19

Go hiidinga e kona naa de hagaduasala o dangada i laangi laa, gai tigi ai ange se masavaa bee nei, mai i taamada de hai a de Maadua henua i lalo ga dae mai ai gi iainei, gai e deai ange naa hogi se masavaa bee nei i muli mai.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

De Beebaa go Job 11:16

Koe e ngalo naa doo hai ngadaa, gai koe e manadua naa de mee nei bei denga vai gu gaavee laa i de mee mmilo.