Revelation 6:1 - De Beebaa Dabu

¹ Gai au ne gidee bolo Ssiibi Gauligi ne oha tahi mee hagamakaga i denga mee e hidu laa, gai au gu langona dahi mee mouli laa ne hagadaba i de leo mmahi, bei de paa o de hatuli, “Sao hannoo!”

Revelation 6:1 Referans Kwoze

Revelation 5:1

Gai au ne gidee de ia e noho laa i honga de nohoanga laa e daohi dahi beebaa mulo i dono lima madau. Gai de beebaa laa e sisi ngaadahi ono lodo ma tua, gai gu mulo ma e hagamakaga i e hidu mee hagamakaga.

Revelation 6:5

Gai de masavaa huu a Ssiibi Gauligi laa ne oha ai tolu mee hagamakaga laa, gai au gu langona tolu mee mouli laa e hagadaba, “Sao hannoo!” Gai tilo, au ne gidee dahi hoosa uli, gai de ia e gage i ono elunga e daohi mee hagahidi i lo tono lima.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 6:7

Gai de masavaa huu a Ssiibi Gauligi ne oha ai de haa mee hagamakaga, gai au gu langona de haa mee mouli laa e hagataba, “Sao hannoo!”

Revelation 14:2

Gai au gu langona dahi leo mai i de langi bei de ngolo o denga vai lagolago ma de paa o de hatuli; gai de leo aagu e langona laa e bei de hagadangidangi o denga harp.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 6:3

Gai de masavaa huu a Ssiibi Gauligi ne oha ai de lua mee hagamakaga, gai au gu langona de lua mee mouli laa e hagadaba, “Sao hannoo!”

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Revelation 5:8

Gai de masavaa huu aana ne kave ai de beebaa laa, gai denga mee mouli e haa laa ma denga daane maatua e dinolua ma dogohaa laa, ga ino gi honga de gelegele i mada luu mada o Ssiibi Gauligi laa ga daumaha, gai dahi ma dahi e poo dahi harp, ma dahi boolo goolo gu hhao ma gu honu i mee maanongi, go dalodalo a dangada o de Maadua.

Revelation 5:12

e daahili ma e hagataba, “Ssiibi Gauligi ne daa laa ga magau, e bau ange gi de kave ssauaa, ma de lava, ma de heiangi, ma de mmahi, ma de hagadubu, ma de mahamaha aama de tuhi!”

Revelation 8:1

Gai de masavaa huu a Ssiibi Gauligi ne oha ai de hidu mee hagamakaga laa, gai gu deai e hagalongaa i de langi i dahi baasi aoaa.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.