Revelation 3:2 - De Beebaa Dabu

² Koe gi alahage! Hagammahi ina mee e doe gu dai maakau laa, go hiidinga au gu gidee bolo au hegau tigi dohu abodonu i mada luu mada o de Maadua.

Revelation 3:2 Referans Kwoze

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

Revelation 16:15

“Tilo, au e humai naa bei dagodo o tangada gaiaa, gai e manuuia tangada e dagitilo gai e gahu i ono malo, gi dee gilisau ai ia ma de dogaa.”

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Isaiah 35:3

Hagammahi ina oodou lima gu ngadi daudau naa, gai hagammahi ina oodou duli gu baageaa naa;

2 Chronicles 25:2

Gai ia ne hai hegau i de heohi i mada luu mada o Tagi Maolunga, gai tee hai hegau i de heohi i ono lodo alodahi.

Acts 18:23

Dua dono noho i kilaa i hanu laangi, gai ia ne hano hogi laa Galatia ma Phrygia ga hagammahi ange ai lodo o dangada alodahi gu hagadonusia.

Matthew 25:13

Deenei ai, goodou dagitilo, go hiidinga goodou e dee iloo donu de laangi aabe go de aoaa laa.

Deuteronomy 3:28

Gai koe daalaa ange gi Joshua ana mee e hai, ma de hagammahi ange ono lodo, go hiidinga go ia e dagina de hagabuulingaa dangada nei, e hulo ai gilaadeu gi de baasi laa de vai, gai ia ga gaavange ai gi gilaadeu de henua aau e gidee naa i luoo mada.”

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Daniel 5:27

Tekel: koe gu hagahidi i honga de mee hagahidi, ma gu gidee bolo koe e dee dohu.

Isaiah 57:12

Au e tala naa dagodo o oodou heohi ma oodou hegau, gai mee nei e deai naa donu haigamaiana adu gi goodou.

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

1 Kings 15:3

Gai Abijah ne ago ange i haisala alodahi a dono damana ne hai i mua; ia tee daudali ange i Tagi Maolunga, dono Maadua i de muna abodonu, bei dagodo o dono dubuna go David.

1 Kings 11:4

Gai de masavaa huu o Solomon ne madumadua ai, gai denga haahine henua gee laa ga hai ia gi daumaha ange gi denga diinonga ange laa; gai ono lodo gu dee hai hegau ange gi Tagi Maolunga, dono Maadua, i de muna abodonu, bei dagodo o dono damana go David.

Zechariah 11:16

Tilo, au e hagasula age naa dahi dangada hagaloosi i honga de henua, gai ia e dee anga ange donu gi delaadeu dai maakau, be go de ssala gilaadeu gu dee maaleva laa, be go de hagaieiangi gilaadeu gu lagolagohia, aabe go de haangai gilaadeu e mmahi olaadeu angaanga; aagai ia e daa denga ssiibi pedi ga gai, ma de aau olaadeu dabuvae.

De Beebaa go Job 16:5

Au e maua i de hagammahi adu oodou lodo i agu muna, gai au e hagamaamaane naa oodou lodo i agu muna.

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.

Matthew 25:7

Aagai denga bua mmoe laa ga aalahage e hagadabena alaadeu laama.