Revelation 3:15 - De Beebaa Dabu

¹⁵ Au e iloo dagodo o au hegau: koe e dee maluulu gai e dee vvela hogi. Mee naa koe gi maluulu aabe gi vvela!

Revelation 3:15 Referans Kwoze

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

Matthew 6:24

“E deai donu se dangada e maua i de hai hegau ange gi e dogolua dangada aamua; go hiidinga ia e kino naa i dahi gai e aloha i de ia ange laa, aabe ia e hagapigi ange naa gi dahi gai ga hagangadi mee de ia ange laa. Goodou e dee maua hogi i de hai hegau ange gi de Maadua ma sseene.

James 1:8

go hiidinga tangada laa e lua lodo ma tee maua i de duu gi makaga i dahi mee daudahi.

1 Kings 18:21

Gai Elijah ne humai ga duu i mada i mua o dangada alodahi, ga hai ange, “Dee hee maa taulooloa doodou lodo lagolago? Noo Iahweh go de Maadua, gai goodou daudali ange i de ia; aagai noo Baal go de Maadua, gai goodou daudali ange i de ia.” Gai dangada gu dee mmuu.

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

Matthew 24:12

Gai e deai naa se aloha i daho dangada soa, i hiidinga de laumalie de baubau.

Proverbs 23:26

Dagu dama, dugua mai oo lodo gi de au, gai luoo mada gi diiloo ogu haiava.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Philippians 1:9

Gai au e dalodalo gi hagadagadaga age oodou aaloha, madali de iloo mee abodonu aama de tonu danuaa ange gi de mee heohi,

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

Hosea 10:2

Gilaadeu gu llodo lagolago, gai gilaadeu e hagaduasala naa donu i hiidinga olaadeu baubau. Tagi Maolunga e oha naa olaadeu mommee o ssigidaumaha, ma duludulu o olaadeu diinonga.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Hosea 7:8

Ephraim gu hilo ma denga huaahenua; gai gu bei de keege tee huli laa.

Revelation 3:16

Gai go hiidinga koe e damaa mahanahana, koe e dee vvela gai e dee maluulu, au e luei mai naa goe gi daha!