Revelation 22:18 - De Beebaa Dabu

¹⁸ Gai au e tala hagadonu ange gi dangada alodahi e langona muna pelaabisi gu sisi i lo te beebaa nei: be goai e hagapunidia ange hanu mee gi muna nei, gai de Maadua e hagaduasala naa ia i denga mee hagamaakau gu sisi i lo te beebaa nei.

Revelation 22:18 Referans Kwoze

Deuteronomy 12:32

Kana ange diiloo gi daudali goodou i muna alodahi aagu e tala adu gi goodou; goodou aude hagapuni ina ange aabe e aau gee hanu muna mai i mee nei.

Deuteronomy 4:2

Gai goodou e dee hagapuni ange aabe e aau gee hanu muna i muna aagu gu tala adu gi goodou, aagai goodou daohia hainga a Tagi Maolunga doodou Maadua aagu gu tala adu gi goodou.

Proverbs 30:6

Aude hagapuni ina ange dahi muna gi ana muna, ia kana hagasee goe, gai gu iloo bolo koe se dangada hadu muna.

Revelation 1:3

E manuuia tangada e daulia muna pelaabisi nei, gai e manuuia hogi gilaadeu e langona ga daohi muna gu lava i de sisi; go hiidinga de masavaa gu baa mai donu.

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”

Leviticus 26:18

Noo goodou e duudagi donu huu tee hagallongo mai gi de au i dua mee nei, gai au e hagaduasala naa goodou gi hidu hanonga e kii ange ai i hiidinga o oodou haisala,

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

Matthew 15:13

Iesu ne hai ange, “Manu ssomo hugadoo e dee go dogu Damana ne dooa e odi naa donu i de unuunusi age.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Revelation 15:6

gai e dogohidu dangada de langi gu ssao mai i lo te hale dabu ma e hidu mee hagamaakau, gai gilaadeu e kahu i linen tea malamalama, gai e hanu mee dau goolo i honga olaadeu hadahada.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

Leviticus 26:37

Gai gilaadeu e hagadau hedaadoi naa bei dagodo o dangada e saavini laa e hulo gee mai i de gadilaasa, gai e deai donu dangada e dolohia gilaadeu; gai goodou e dee maua naa donu i de hai baasi ange gi oodou hagadaumee.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Revelation 22:9

Aagai ia ne hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina go denga pelaabisi, aama gilaadeu alodahi e daohia muna e sisi i de beebaa nei. Gai koe daumaha ange gi de Maadua.”

Revelation 22:10

Gai ia ne hai mai gi de au, “Aude hagamuunia muna pelaabisi gu sisi i lo te beebaa nei, go hiidinga de masavaa gu baa mai donu.