Revelation 22:17 - De Beebaa Dabu

¹⁷ Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 22:17 Referans Kwoze

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

Isaiah 2:5

Loomai, goodou dangada o Jacob, gidaadeu ga seesee i de maalama o Tagi Maolunga!

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 21:9

Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Romans 3:24

gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Jeremiah 50:5

Gilaadeu e ssili naa de haiava e hano laa gi Zion, ma de huuhuli ange gi kilaa, ga hagataba, ‘Loomai, gidaadeu ga hagabuni ange gi Tagi Maolunga i dahi hagatoo donu hagaheloongoi dee ngado mai e dee maua laa gi ngalo.’

1 Corinthians 2:12

Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

John 4:29

“Goodou loomai diiloo taane ne daalaa mai nei mee alodahi aagu gu hai. E dee deenei de Klisdo?”

Ezekiel 47:1

Gai ia ne hagaahe mai au gi de haitoga o de hale daumaha; gai tilo, de vai e sali mai i lalo de haitoga o de hale daumaha i de bido gi dua, go hiidinga de hale daumaha e huli gi dua. Gai de vai e sali iho i lalo de baasi gi ngaage o de haitoga o de hale daumaha, i baasi i ngaage de mommee o ssigidaumaha.

John 4:11

De hine laa ne hai ange gi de ia, “Tangada aamua, koe e deai donu sau mee e asu ai vai, gai de vai geli nei e gelo. Gai go hee aau e gaamai ai de vai o de mouli naa?

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”

John 1:37

Gai luaana dangada agoago ne langona e gilaau ana muna, gai gilaau ga daudali ange i Iesu.