Revelation 22:14 - De Beebaa Dabu

¹⁴ E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Revelation 22:14 Referans Kwoze

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

1 John 5:3

Gai deenei taadeu aloha i de Maadua, go taadeu daohi ana muna. Gai ana muna e dee hagadaemaha donu,

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

John 14:15

“Noo goodou e aaloha i de au, gai goodou ga daudali i agu hainga.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

1 Corinthians 7:19

De tuu dagaholiage be go tee tuu dagaholiage e deai donu ono haigamaiana, aagai de mee hagamogomogo go de daohi muna a de Maadua.

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.

John 10:7

Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi.

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Revelation 21:12

Gai de buibui o de aduhale laa e laumalie ma de maolunga mmao, gai e madaangahulu ma lua ono haitoga, gai e dagidahi dangada de langi e hagaloosia denga haitoga laa. Gai honga denga haitoga laa e sisi ange aagena ingoo o denga aamuli o Israel e madaangahulu ma lua laa;

1 Corinthians 9:5

Gai e deai semaadeu heohi e kave ai omaadeu bodu madali gimaadeu, bei de gau tala ange laa ma daina daane o Tagi Maolunga aama Cephas?

1 Corinthians 8:9

Gai goodou kana ange gi dee hagabaageaa ina e goodou lodo o dangada e baageaa laa olaadeu kai, i doodou hai hegau i doodou ilaage e hai dahi mee.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 4:12

Koe e maolunga ange naa i demaadeu dubuna go Jacob, de ia ne gaamai gi gimaadeu de vai geli nei, gai ia ma ana dama ma ana manu ne unu ai hogi?”

Daniel 12:12

E manuuia tangada e daalia ga dae ai gi de 1,335 laangi laa.

Genesis 2:9

Gai Tagi Maolunga go de Maadua ne hai gi ssomo age, i honga de gelegele denga hagadaagangaa manu ssomo alodahi e danuaa laa i de tilo ma de gai. Gai de manu somo o de mouli, ma de manu somo e maua ai laa gi iloo tanuaa ma de baubau, e ssomo i lo te ungaalodo o de veelenga laa.

Genesis 3:22

Gai Tagi Maolunga go de Maadua ga hagadaba, “Tilo, tangada gu bei odaadeu dagodo, ia gu iloo ngaadahi tanuaa ma de baubau. Deenei ai, e hagamanavasaa noo ia e hhagi hogi ga gai hua o de manu o de mouli, gai ia e mouli ga hano ai e dee ngado mai.”

Exodus 19:10

Gai Tagi Maolunga ga hai ange gi Moses, “Ahe iho gi daho dangada mage hagadabu ina gilaadeu, ma de hai gilaadeu gi daaia olaadeu malo alodahi gi gilimalali ailaa nei aama daiao;

Psalm 118:20

Deenei de haitoga o Tagi Maolunga; gai go gilaadeu e heohi e ulu ai.