Revelation 21:9 - De Beebaa Dabu

⁹ Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”

Revelation 21:9 Referans Kwoze

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Revelation 19:7

Gidaadeu ga malangilangi ma de llodo danuaa, aama de hagamahamaha ia, go hiidinga gu dae mai de masavaa o de hagahai bodu o Ssiibi Gauligi, gai dono bodu gu lava i de hagadabena ono mee,

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 21:17

Ia ne haide hogi de buibui o de aduhale, i de haidenga a gau de langi gai go de haidenga hogi o dangada e hai hegau ai, gai se 144 sugilima.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.