Revelation 21:25 - De Beebaa Dabu

²⁵ Gai haitoga o de aduhale laa e deai naa donu se pono i de laangi, gai e deai naa hogi se boo i kilaa.

Revelation 21:25 Referans Kwoze

Isaiah 60:11

Oo haitoga e hhuge naa i masavaa alodahi, gai e dee pono donu i de laangi ma de boo; gai dangada ga gaamai ai gi de goe de lava o denga huaahenua, gai go olaadeu hodooligi e dagina mai gilaadeu.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Zechariah 14:7

Gai de laangi laa e dagodo gee naa donu — go Tagi Maolunga donu huu e iloo dagodo o de laangi laa — de laangi ma de boo se dagodo daudahi donu huu. De ahiahi e maalama donu hogi.

Isaiah 60:20

De laa e hagamaalama ina goe e dee danu naa donu, de maasina e dee danu naa hogi; gai go Tagi Maolunga doo maalama e dee ngado mai, gai oo laangi e hinangalosaa ai e ui naa.

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Revelation 21:12

Gai de buibui o de aduhale laa e laumalie ma de maolunga mmao, gai e madaangahulu ma lua ono haitoga, gai e dagidahi dangada de langi e hagaloosia denga haitoga laa. Gai honga denga haitoga laa e sisi ange aagena ingoo o denga aamuli o Israel e madaangahulu ma lua laa;

Revelation 21:15

Gai tangada de langi ne basa mai laa gi de au e poo dahi laagau goolo e haide ai de aduhale ma ono haitoga aama dono buibui.