Revelation 21:23 - De Beebaa Dabu

²³ Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Revelation 21:23 Referans Kwoze

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.

John 1:9

De maalama abodonu e hagamaalama ina laa dangada alodahi ne humai gi henua i lalo.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Revelation 21:25

Gai haitoga o de aduhale laa e deai naa donu se pono i de laangi, gai e deai naa hogi se boo i kilaa.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:4

Go ono daha iai de mouli, gai de mouli laa go de maalama o dangada.

Habakkuk 3:3

De Maadua ne humai i Teman, de Ia Dabu laa ne humai i de mounga go Paran. Selah Dono mahamaha e haoli de langi, gai dono tuhi e hagahonu henua i lalo alodahi.

Acts 22:11

Aagai au gu dee gide i hiidinga o de maalama laa. Gai ogu soa ange laa ga dagi au ga kave gi Damascus.

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Isaiah 2:21

Gai gilaadeu ga saavini e mmuni i lodo haonga i magavaa hadu ma lo te baba i gaogao denga mounga, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai e hagamaatagu henua i lalo.

Isaiah 2:19

Dangada e saavini naa ga mmuni i lodo haonga i magavaa hadu ma haonga i lo te gelegele, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai ga luuluu henua i lalo.

Isaiah 2:10

Goodou hulo ulu gi lodo hadu, ma de mmuni i lo te gelegele, i hiidinga doodou maatagu i Tagi Maolunga ma de mahamaha o dono maolunga.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Revelation 5:6

Gai au ne gidee hogi dahi Ssiibi Gauligi, e dagodo be se manu gu daia ma gu magau i mua, e duu i lo te ungaalodo o denga nohoanga laa, i magavaa o denga mee mouli laa aama denga daane maatua laa. Gai e hidu ono hanga ma e hidu ganomada, go denga hagasaalunga e hidu a de Maadua ne hai gi hulo gi henua i lalo alodahi.

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Revelation 14:4

Gai de gau laa alodahi ni daane gilimalali, gilaadeu tigi hulo gi daho denga haahine e hai ai gi hakino gee gilaadeu. Aanei gilaadeu e daudali ange laa i Ssiibi Gauligi i mommee alodahi oona e hano aagena. Gilaadeu nei gu lava i de hagao ma gu hagaola mai i magavaa o dangada e hai ai denga hua i taamada ange gi de Maadua ma Ssiibi Gauligi.