Revelation 21:17 - De Beebaa Dabu

¹⁷ Ia ne haide hogi de buibui o de aduhale, i de haidenga a gau de langi gai go de haidenga hogi o dangada e hai hegau ai, gai se 144 sugilima.

Revelation 21:17 Referans Kwoze

Revelation 13:18

De mee nei go de heiangi e maua ai: tangada e donu ange gi guumia ange de nambaa o de manu alasala laa, go hiidinga se nambaa niio dahi dangada, gai dono nambaa se 666.

Revelation 7:4

Gai au ne langona taelodo o dangada gu hagailonga, se 144,000 ne hagailonga i denga aamuli alodahi o de gau Israel:

Deuteronomy 3:11

(Gai go Og de hodooligi o Bashan donu huu e doe i de gau Repha. Dono moenga ne hai i iron, e siva sugilima de looloa gai e haa sugilima de lahalaha, i haidenga o de masavaa laa. Gai dono moenga goi dagodo donu huu i Rabbah o de gau Ammon.)

Revelation 21:9

Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Revelation 21:16

De aduhale laa e tuu dege; dono lahalaha ma dono looloa se haidenga daudahi donu huu. Gai tangada de langi laa ne haide de aduhale laa i dana laagau haide, gai se 1,400 maele de looloa ma de lahalaha aama de maolunga, se dagodo daudahi donu huu.