Revelation 21:15 - De Beebaa Dabu

¹⁵ Gai tangada de langi ne basa mai laa gi de au e poo dahi laagau goolo e haide ai de aduhale ma ono haitoga aama dono buibui.

Revelation 21:15 Referans Kwoze

Zechariah 2:1

Au ne galo age ga gidee dahi daane e duu ma e daohi dahi uga haide i lo tono lima.

Ezekiel 40:3

De masavaa aana ne kave ai au gi kilaa, gai au ne gidee dahi daane e duu i kilaa, ia e bei de malamalama o de bronze; gai ia e duu i de haitoga ma e poo ai dahi uga e hai i denga flax ma dahi laagau haide i dono lima.

Zechariah 2:2

Gai au ne ssili ange, “Go hee oou ga hano naa aagena?” Ia ne hai mai gi de au, “Au ga hano nei e haide Jerusalem, e tilo dono lahalaha ma dono looloa.”

Revelation 21:12

Gai de buibui o de aduhale laa e laumalie ma de maolunga mmao, gai e madaangahulu ma lua ono haitoga, gai e dagidahi dangada de langi e hagaloosia denga haitoga laa. Gai honga denga haitoga laa e sisi ange aagena ingoo o denga aamuli o Israel e madaangahulu ma lua laa;

Revelation 21:16

De aduhale laa e tuu dege; dono lahalaha ma dono looloa se haidenga daudahi donu huu. Gai tangada de langi laa ne haide de aduhale laa i dana laagau haide, gai se 1,400 maele de looloa ma de lahalaha aama de maolunga, se dagodo daudahi donu huu.

Revelation 21:21

Gai denga haitoga e madaangahulu ma lua laa ni ango; dahi haitoga e hai i dahi ango daudahi. Gai honga de haiava o de aduhale laa ni goolo danuaa e hai ai, gai e masalaba bei de galaasa.

Revelation 21:25

Gai haitoga o de aduhale laa e deai naa donu se pono i de laangi, gai e deai naa hogi se boo i kilaa.