Revelation 20:4 - De Beebaa Dabu

⁴ Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 20:4 Referans Kwoze

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

Daniel 7:22

ga dae ai gi de humai o de Ia mai Madagidagi, ga hagamodu muna ga gaavange de heohi gi de gau dabu o de Ia Maolunga Mmao laa. Gai gu dae mai de masavaa e dugu ange ai ssauaa o de nohoanga hodooligi gi de gau dabu.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Romans 8:17

Gai noo gidaadeu gu ni dama donu, aagai gidaadeu gu dau i de boolonga o de Maadua madali Klisdo; noo gidaadeu e kave de hagaduasala madali Klisdo, gai gidaadeu e kave donu hogi de mahamaha madali ia.

Revelation 15:2

Gai au ne gidee dahi mee be se vai masalaba bei de galaasa e ula ai de ahi, gai gilaadeu ne kii laa i de manu alasala laa, ma dono diinonga aama de nambaa o dono ingoo, e tuu i gaogao de vai laa. Gai gilaadeu e daohi denga harp a de Maadua gu gaavange laa gi gilaadeu.

Revelation 14:11

Gai de useahi o de ahi e hagaduasala ai laa gilaadeu, e buu ga hano ai e dee ngado mai. Gai e deai donu se hagammabu o dangada e daumaha ange laa gi de manu alasala laa ma dono diinonga, aama gilaadeu alodahi gu gaavee de maaga o dono ingoo, i de laangi ma de boo.”

Revelation 11:7

Gai de masavaa naa huu e lava ai de tala alaau muna, gai de manu alasala ne hanage laa i lo te geelonga e deai laa sono dagelo, ga hebagi ange gi gilaau ga hagadee kii gilaau ma de daa gilaau ga maakau,

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 11:11

Aagai dua huu e dolu ma de bido laangi, gai de Maadua ga hai de manava o de mouli gi humai gi ulu gi olaau lodo, gai gilaau gu mouli ga hiihidi ga tuu gi lunga, gai dangada alodahi ne gidee mee ne hai ange gi gilaau gu kona mmao de maatagu.

Revelation 11:3

Gai au e hai naa gi hulo luoogu dangada tala hagadonu gi pasa pelaabisi i e 1,260 laangi, gai gilaau e kahu naa i malo daladala.”

Romans 11:15

Gai noo delaadeu tili ne hai ga maua i de hagadanuaa magavaa o de Maadua ma henua i lalo, gai dee hee maa ai naa noo gilaadeu gu hagaahe mai, e dee go de mouli mai i de magau?

Luke 1:17

Gai ia e hano naa i mada i mua o Tagi Maolunga, i ssauaa o de hagasaalunga ma mahi o Elijah, ga hai gi daahuli mai denga damana gi alaadeu dama, ma de hai gilaadeu e dee hagallongo i muna, gi maua de heiangi o olaadeu e heohi — aama de hagadabena dahi huaadangada ange gi Tagi Maolunga.”

Malachi 4:5

Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.

Mark 9:11

Gai gilaadeu ne ssili ange hogi gi Iesu, “Gu aha gu hagataba ai laa de gau sisi bolo Elijah e humai naa i mua?”

Mark 6:27

De masavaa laa donu huu gai de hodooligi ga hai gi hano dahi daane hebagi, gi duudia de ua o John gi gaamai. Gai taane laa ga hano ga tuu de ua o John i lo te hale pono,

Mark 6:16

Aagai ga langona huu e Herod mee laa, gai ia ga hagadaba, “John, taane aagu ne tuu laa de ua, gu mouli age ange!”

Matthew 24:10

Gai e soa naa dangada e daahuli gee i de laangi laa, ma de hagadau hagabaubau aama de hagadau kino.

Luke 14:14

gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

Revelation 2:26

Gai be goai e kii, ma de hai ogu lodo ga dae ai gi de hagaodi, gai au e gaavange gi de ia ssauaa e dagi ai denga huaahenua alodahi;

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Revelation 7:3

ga hai ange, “Goodou aude dugua ange de madangi gi oohaa henua i lalo, be go tai aabe go denga manu ssomo, ga dae ai gi de lava taadeu hagailonga honga lae o de gau hai hegau o taadeu Maadua.”