Revelation 20:15 - De Beebaa Dabu

¹⁵ Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 20:15 Referans Kwoze

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Matthew 13:50

ga tili ange gilaadeu gi de mommee o de ahi mmahi, go de mommee o de tangi ma de hagaida ai gauvae.”

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

Matthew 13:42

Gai de gau de langi e tili ange naa gilaadeu gi lo te ahi mmahi, go de mommee o de tangi ma de hagaida ai gauvae.

Psalm 69:28

Sooloa olaadeu ingoo i lo te beebaa o de mouli, gai olaadeu ingoo gi dee sisi madali dangada e heohi laa.

Luke 10:20

Aagai goodou gi dee llodo danuaa i de hagallongo adu o denga hagasaalunga baubau gi goodou; aagai goodou llodo danuaa i hiidinga oodou ingoo gu sisi i de langi.”

Revelation 3:5

Be goai e kii, gai ia e hakahu ange naa i malo tea bei dagodo o de gau nei, gai au e dee ssolo naa donu dono ingoo i de Beebaa o de Mouli. Gai au e tala hagadonu naa ono dagodo i mada luu mada o dogu Damana aama ono dangada de langi.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Revelation 20:14

Gai de mommee o de magau ma Hades gu tili ange gi lo te ahi e sali laa bei de vai. Deenei de lua magau.