Revelation 2:23 - De Beebaa Dabu

²³ Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 2:23 Referans Kwoze

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

Romans 8:27

Gai de Maadua e gidee dagodo lodo o dangada ma lodo o de Hagasaalunga, go hiidinga de Hagasaalunga e dalodalo i dangada o de Maadua bei dagodo de hagatau a de Maadua.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

2 Chronicles 6:30

gai koe hagalaangona dana dalodalo i doo mommee noho i de langi, ga degi ange, ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange gi lodo o dangada,)

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Psalm 26:2

Tagi Maolunga, hagataalea ange ma gi diiloo ogu dagodo; gai hagataalea ange dagodo o ogu lodo ma agu hagasaele.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Revelation 2:11

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii e dee duu ange donu gi de lua magau.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Romans 14:12

Deelaa ai, dahi ma dahi e tala ange naa ono dagodo gi de Maadua.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Deuteronomy 19:20

Gai de masavaa naa huu a dangada e langona ai mee nei gai gilaadeu e maatagu naa, gilaadeu gu dee ahe ange e hai de hegau baubau nei i oodou magavaa.

Deuteronomy 17:13

Gai gi maatagu ai dangada alodahi, i de masavaa alaadeu e langona ai mee nei, gai gilaadeu gu dee aahe ange e hai hegau nei.

Deuteronomy 13:11

Gai ga langona naa huu e de gau Israel alodahi mee nei, gai gilaadeu gu maatagu, gai gilaadeu gu dee aahe ange e hai de baubau nei i olaadeu daha.

Revelation 6:8

Gai au ne galo age, ga gidee dahi hoosa mada tea, gai de ia e gage i ono elunga e hagaingoo ange go de Magau, gai Hades e daudali ange i de ia. Gai gu gaavange gi gilaau ssauaa e daa ai gi maakau e dahi diba i diba e haa o dangada i henua i lalo, i de gadilaasa, ma de onge, ma denga mee hagamaakau, aama denga manu alasala i honga de henua.

Deuteronomy 21:21

Gai denga daane alodahi o dono aduhale gi magaa ia gi magau i denga hadu. Gai goodou ga aau gee ai de baubau mai oodou magavaa, gai gi maatagu ai de gau Israel alodahi i delaadeu langona mee nei.

Galatians 6:5

Go hiidinga dahi ma dahi e hanu donu ana mee daemaha e hagauda.

Zephaniah 1:11

Dangada e nnoho i de mommee hagao mee, goodou tangi see; go hiidinga de gau hagao mee e maakau naa, gai alodahi e hagao mee i selevaa gu odi hogi i teai.

Psalm 139:1

Tagi Maolunga, koe gu ssala ma gu iloo ogu dagodo.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Revelation 20:13

Gai gu mouli age de gau maakau i lo te dai, gai gu mouli age hogi de gau maakau i de mommee o de Magau ma Hades, gai gu hagamodu olaadeu muna, gi bei dagodo o alaadeu hegau ne hai.

Revelation 22:12

“Tilo, au gu dai humai donu. Gai au e gaamai naa madali au mee e hagao ange ai dahi ma dahi gi bei dagodo o ana hegau.

1 Chronicles 17:18

Gai aahee ange naa agu muna e tala adu, i dau hagadubu doo dangada hai hegau? Koe e iloo dagodo o doo dangada hai hegau!

De Beebaa go Job 24:23

De Maadua e hai gi dagodo be gilaadeu e nnoho paba, aagai ia e dagitilo gilaadeu.

John 4:16

Ia ne hai ange gi de hine, “Hannoo hagahia doo bodu ma gooluu aahe mai kinei.”