Revelation 2:18 - De Beebaa Dabu

¹⁸ “Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.

Revelation 2:18 Referans Kwoze

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

John 3:18

Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Matthew 27:54

De masavaa o tagi o de lau ma denga daane hebagi madali ia, e hagaloosia ange laa Iesu ne gidee ai de ngalungalue o de henua ma mee alodahi gu hai laa, gai gilaadeu gu maatagu mmao, ga hagataba, “Ni muna abodonu, taane nei go Tama Daane donu a de Maadua!”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

Daniel 10:6

Gai dono angaanga e malamalama bei topaz, luoono mada e bei de uila, luoono ganomada e ula bei de ahi, luoono lima ma luoono vae e malamalama bei bronze, gai dono leo e bei de hevaalogi o dangada soa mmao.

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Revelation 2:24

Aagai au e hai adu gi goodou dangada o Thyatira ange laa, go goodou tee daohia laa agoago nei, gai tee agoago i mee a hanu e hagabinga laa bolo go aagonga i lalo a Satan: e deai ange donu agu mee e hagauda adu e hagadaemaha ai goodou;