Revelation 19:14 - De Beebaa Dabu

¹⁴ Gai denga hagabuulingaa daane hebagi o de langi gu kahu i denga malo linen danuaa, gai e tea ma de gilimalali, gai gilaadeu e kage i honga denga hoosa tea ma e daudali ange ai i de ia.

Revelation 19:14 Referans Kwoze

Revelation 19:8

gai de Maadua gu hai ia gi gahu i linen danuaa, ma de malamalama aama de gilimalali.” Gai linen danuaa laa go heohi o dangada o de Maadua.

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Matthew 28:3

Dagodo o tangada de langi laa e bei de uila, gai ono malo e tea bei denga snow.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Revelation 3:4

Gai goi hanu huu momo dangada i de nohoanga dabu i Sardis tigi vaigelegele olaadeu malo; gai gilaadeu e kahu naa i malo tea ga seesee ai madali au, go hiidinga gilaadeu e pau ange aagena.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Revelation 14:1

Gai au ne galo adu ange gu gidee Ssiibi Gauligi e duu i honga de mounga go Zion, gai e tuu madali ia e 144,000 dangada gu sisi ange gi honga olaadeu lae dono ingoo ma de ingoo o dono Damana.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Matthew 26:53

Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Psalm 68:17

Hada hebagi o de Maadua e lagolago ange i tahisemada, gai e lagolago ange i tahiseguli; de Ia Aamua gu humai i Sinai gi dono mommee dabu.

Proverbs 31:22

Ia e dui malo e haoli ai moenga; ono malo e hai i linen danuaa gai e purple.

Matthew 21:5

“Goodou hai ange gi tamaa hine o Zion, ‘Tilo, doodou hodooligi e humai naa, ia e lodo maolalo, gai e gage i honga dahi donkey ma dana dama, se dama nii dahi donkey.’ ”

Isaiah 3:23

ma galaasa dilodilo, ma linen, ma goobai malo, aama denga malo e haoli ai luu mada.