Revelation 18:19 - De Beebaa Dabu

¹⁹ Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”

Revelation 18:19 Referans Kwoze

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Joshua 7:6

Gai Joshua ma denga dagi o Israel ga saesae olaadeu malo ga ino gu paa olaadeu mada gi honga de gelegele, i mada i mua o de ngavesi a Tagi Maolunga, mai i taiao ga dae ai gi de ahiahi, ma de hagamalili ange gelegele gi honga olaadeu biho.

Ezekiel 27:30

Gilaadeu e oo naa ga tangi, ga gaavage gelegele gi honga olaadeu biho, aama de tige saele i lodo lehu.

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

De Beebaa go Job 2:12

De masavaa huu alaadeu ne gidee adu ai ia i de mommee mmao, gai gilaadeu gu dee madea ia, gai gilaadeu ga heehee ga tangi ma de saesae olaadeu malo, ga hagamalili ange gelegele gi honga olaadeu biho.

Revelation 18:8

Deelaa ai, denga mee hagamaakau e loomai naa gi de ia i e dahi laangi. Ia e duu ange naa gi de magau, ma de hinangalosaa, aama de onge. Gai ia e dudu naa ga vela i de ahi, go hiidinga Tagi Maolunga de Maadua e hagamodu ina laa ono muna e mmahi mmao.”

1 Samuel 4:12

Gai dahi daane de aamuli o Benjamin ne savini mai i de hebagi gi Shiloh i de laangi laa donu huu, gai ia ga saesae ono malo ma de gaavange gelegele gi honga dono biho.

Nehemiah 9:1

Gai de madalua ma haa huu laangi o de malama mau, gai de gau Israel ga hagabuni ga hagahiikai, ma de kahu i malo daladala, aama de gaavange lehu gi honga olaadeu biho.

2 Samuel 13:19

Gai ia ne hagamalili ange lehu gi honga dono biho, ga ssae de malo lloa hagalaagii oona e gahu ai laa; gai ia ne haoli dono biho i luoono lima ma de oo ga dangi ga seesee ai ga hano.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Lamentations 2:10

Denga daane maatua o tamaa hine o Zion gu nnoho i honga de gelegele ma e dee mmuu ai, gai gu hagamalili ange gelegele gi honga olaadeu biho ma de kahu i denga malo daladala. Denga damaa hine o Jerusalem gu ino gi honga de gelegele.