Revelation 18:17 - De Beebaa Dabu

¹⁷ Go hiidinga ne dahi donu huu aoaa ne oha ai de lava o de aduhale laa ga deai!” Gai giabini alodahi, ma dangada e dele i de moana, ma de gau hai moni, aama dangada alodahi e hagao mee i honga de moana e hulo naa ga tuu i de mommee mmao,

Revelation 18:17 Referans Kwoze

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Isaiah 23:14

Denga vaga o Tarshish, goodou tangi see, i hiidinga doodou mommee buibui makaga gu maoha!

Revelation 18:19

Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”

Jonah 1:6

Gai de eligi o de vaga ne humai ga hai ange gi de ia, “Gu aha gu seni ai naa goe? Hidi age dalodalo ange gi doo maadua! Kana adu ia e bale mai naa gidaadeu, gi dee maakau ai gidaadeu.”

Jeremiah 51:8

Gai tee mmule donu gai Babylon gu oha ga maoha; oo mage dangi i ono hiidinga! Gai gaavee hanu valaai e hai ai ono mee mmae; kana adu e maua naa huu gi ieiangi ia.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Isaiah 47:9

Gai luu mee nei ngaadahi e hai adu naa gi de goe i de masavaa daa hagalele, i dahi laangi daudahi: au dama e maakau naa, gai gu magau doo bodu. Mee nei e hai adu naa donu gi de goe e dee galemu donu dau hai denga huuhuaa mee lagolago, ma de mmahi au helau alodahi.

Acts 27:11

Aagai tagi o de lau ne daudali i muna a de giabini o de vaga ma tangada niiona de vaga, ia tee daudali i muna a Paul gu tala ange.

Revelation 17:12

Gai denga hanga e madaangahulu aau ne gide laa se dinoangahulu hodooligi, gilaadeu tigi kave olaadeu sauaa a e hodooligi ai, gai gilaadeu e kave naa ssauaa ga hodooligi ai i e dahi aoaa madali de manu alasala laa.