Revelation 18:15 - De Beebaa Dabu

¹⁵ Gai de gau hagao goloa alodahi ma de maua olaadeu lava mai i ono daha, e hulo naa ga tuu i de mommee mmao, i hiidinga delaadeu maatagu i de hagaduasala o de aduhale laa. Gilaadeu e tangi naa ma de tangi see,

Revelation 18:15 Referans Kwoze

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

Ezekiel 27:31

Gilaadeu e dahi naa olaadeu biho ga malali i oo hiidinga, ma de kahu i malo daladala. Gilaadeu e tangi ssee naa ma de daemaha olaadeu lodo, i de kona delaadeu hinangalosaa.

Acts 16:19

Aagai de masavaa huu a ono dangada aamua ne gidee ai bolo gu deai se mee e hai ai gi lagolago alaadeu sseene, gai gilaadeu ga poo a Paul ma Silas ga dada gi mada i mua o denga dagi i de mommee e hagabuni ai dangada;

Mark 11:17

Gai ia ga agoago ange dangada, ga hai ange, “Gu sisi e hai ange, ‘Dogu hale e hagaingoo ange go de hale dalodalo o denga huaahenua alodahi.’ Aagai goodou gu hai gi se mommee niio de gau gaiaa.”

Zechariah 11:5

Dangada e hagao ina gilaadeu e daa gilaadeu ga maakau, gai gilaadeu tee hagaduasala. Dangada e hagao ina gi daha denga ssiibi e hagataba, ‘Duuhia Tagi Maolunga, au gu se dangada lava.’ Olaadeu dangada hagaloosi e dee lodo aaloha ange donu gi gilaadeu.

Revelation 18:12

go goolo ma selevaa, ma hadu hagamogomogo, ma ango, ma linen tea danuaa, ma malo purple, ma siliga, ma malo mmea, ma denga hagadaagangaa laagau maanongi alodahi, ma hagadaagangaa goloa ivory alodahi, ma hagadaagangaa laagau hagao ngadaa alodahi, ma bronze, ma iron ma marble;

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.

Revelation 18:14

Gilaadeu e hagataba, “Denga huamanu oodou e hiigaina laa gu gaavee gee mai i oodou daha. Denga goloa hagamogomogo alodahi ma oodou mahamaha gu llilo, gai gu dee gidee ange naa donu!”

Revelation 18:19

Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”