Revelation 18:14 - De Beebaa Dabu

¹⁴ Gilaadeu e hagataba, “Denga huamanu oodou e hiigaina laa gu gaavee gee mai i oodou daha. Denga goloa hagamogomogo alodahi ma oodou mahamaha gu llilo, gai gu dee gidee ange naa donu!”

Revelation 18:14 Referans Kwoze

1 Corinthians 10:6

Gai mee nei se hagaago danuaa niiodaadeu, gi dee llodo ai gidaadeu i de baubau bei olaadeu dagodo.

James 4:2

Goodou e llodo i hanu mee, gai e deai donu oodou mee; deenei ai, goodou e daa dangada gi maakau. Goodou e nnoo gai e dee maua i de kave mee nei, gai goodou e hagadaumee ma de hebagi. Goodou e deai donu oodou mee, go hiidinga goodou e dee dangidangi ai.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

Psalm 106:14

Gai gilaadeu ne llodo mmao i denga gai i de vao, gai gilaadeu ne hagatale de Maadua i lodo henua.

Numbers 11:4

Gai de gau henua gee ne hulo laa madali gilaadeu e kona de llodo e gai kano manu; gai de gau Israel ne tangi hogi ga hagataba, “Mee naa gi hanu amaadeu giidagi e gai!

Psalm 78:18

Gilaadeu se hagabau donu de hagatale de Maadua i olaadeu lodo i delaadeu hai gi de mahi ia gi gaavange alaadeu gai e llodo ai.

Numbers 11:34

Deelaa ai, de mommee laa gu hagaingoo ange go Kibroth Hattaavah, go hiidinga go kilaa ne danu ai de gau aagai.

Matthew 11:8

Gai se aha donu oodou e hulo laa e tilo? Se dangada e gahu i malo danuaa? Tilo, dangada e kahu i malo danuaa e nnoho i lodo hale o denga hodooligi.

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.

Revelation 18:15

Gai de gau hagao goloa alodahi ma de maua olaadeu lava mai i ono daha, e hulo naa ga tuu i de mommee mmao, i hiidinga delaadeu maatagu i de hagaduasala o de aduhale laa. Gilaadeu e tangi naa ma de tangi see,