Revelation 17:10 - De Beebaa Dabu

¹⁰ gai mounga e hidu laa ni hodooligi hogi; e dogolima gu maakau, gai dahi goi mouli huu, gai dahi tigi dae mai. Gai dono masavaa naa huu e dae mai ai, gai ia e hodooligi naa donu huu i dahi masavaa bodobodo.

Revelation 17:10 Referans Kwoze

Revelation 10:11

Gai gilaadeu ne tala mai hogi gi de au, “Basa pelaabisi daalaa dagodo o denga huaadangada soa, ma huaahenua, ma dangada e pasa i denga hagadaagangaa muna, aama denga hodooligi.”

Revelation 17:11

Gai de manu alasala nogo mouli laa, gai gu dee maleva, ia go de valu hodooligi, gai ia se hodooligi hogi madali denga hodooligi dogohidu laa, gai e daa naa ga magau.

Isaiah 23:15

De masavaa laa gai dangada e ngalo naa Tyre i e madahidu ngadau, go ngadau o dahi e hodooligi ai. Aagai ga odi ange naa huu de madahidu ngadau, gai Tyre e hai naa ga bei muna o taahili o de hine hai be se manu:

Revelation 13:3

Gai dahi biho o de manu alasala laa e dagodo be gu lagohia ma gu dai magau, aagai dono maanuga gu mahu. Gai henua i lalo alodahi ga daudali ange i de manu laa, i hiidinga de llele olaadeu mouli.

Revelation 13:12

Gai ia ne hai hegau i ssauaa alodahi o tahi manu alasala laa ga sui ai tahi manu laa, ma de hai henua i lalo ma dangada e nnoho ai gi daumaha ange gi tahi manu alasala laa, go de manu alasala ne mahu laa dono maanuga kona laa.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.