Biblia Todo Logo
Bib sou entènèt

- Piblisite -




Revelation 16:15 - De Beebaa Dabu

15 “Tilo, au e humai naa bei dagodo o tangada gaiaa, gai e manuuia tangada e dagitilo gai e gahu i ono malo, gi dee gilisau ai ia ma de dogaa.”

Gade chapit la Kopi




Revelation 16:15
23 Referans Kwoze  

Deenei ai, au e hai adu koe gi hagao ina hanu goolo gu lava laa i de hagadanuaa i de ahi i ogu daha, gi lava ai goe, ma de gahu i malo tea, gi dee hagadookaa ai oo dagodo i teai oo malo. Hagao ina hogi hanu valaai e hai ai luoo ganomada gi gide ai goe.


Aagai de laangi o Tagi Maolunga e dae mai naa bei de humai o tangada gaiaa. De langi e hagalongaa naa i de masavaa e hagalilo ai; gai ono mee alodahi e odi naa i de vaivai i de ahi, gai henua i lalo ma mee alodahi i ono elunga e odi naa hogi i de hagaago mai.


Deenei ai, goodou dagitilo, go hiidinga goodou e dee iloo donu de laangi aabe go de aoaa laa.


gai noo gidaadeu gu kahu ai, gai gidaadeu gu dee gilisau.


Goodou dagitilo ma de dalodalo, gi dee tuu ange ai goodou gi de hagatale. De hagasaalunga e lodo mmao, aagai de angaanga gu baageaa.”


Deenei ai, goodou dagitilo, ma gi manadua bolo ne dolu ngadau aagu tee helui ai de hagakana ange goodou i de laangi ma de boo aama de dangi.


Deenei ai, gidaadeu gi dee bei dagodo o hanu, go gilaadeu e sseni, aagai gidaadeu gi dagitilo ma de hagamadaala.


Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”


Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”


Gai dangada e gidee naa doo gilisau, gai koe e dogaa naa i de hagaui oo malo; au e sui adu naa oodou hegau baubau, gai au e dee dugu naa donu dahi goodou gi ola.


De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.


deenei ai, tilo, au e hagabuni mai naa oo dau soa alodahi, go gilaadeu oou ne dagodo haisala madali, go gilaadeu alodahi oou ne aloha ai aama gilaadeu oou ne kino ai. Au e gaamai naa gilaadeu i mommee alodahi gi hai baasi adu gi de goe, ma de hagaui oo malo i olaadeu mada i mua, gi gidee ai e gilaadeu doo gilisau.


E vakaa naa tangada e gaavange mee vii gi dangada e paa ange gi de ia, ma de hagaunu gilaadeu gi ssenga, gai koe ga tilo ai delaadeu gilisau!


Au kana hagaui ono malo gi gilisau ai ia bei de laangi oona ne haanau ai laa, ma de hai ia gi bei dagodo o de vao, ma de mommee e deai vai iai, aama de daa ia gi magau i dono hieunu.


Gai ga gidee huu e Moses bolo Aaron gu tili ange donu huu dangada gi haia olaadeu lodo, ma de hai olaadeu hagadaumee gi pasa hakadanga ma de doo mee i gilaadeu.


Aagai goodou, denga daina, e dee nnoho i lo te gohu, gai goodou ga llele ai oodou mouli i de dae mai o de laangi laa, bei dagodo o de humai o tangada gaiaa.


Au e moolau naa donu de humai. Deenei ai, goodou daohia donu huu de gai i oodou daha naa, gi deai ai se dangada e gaavee gee oodou hau.


“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”


Swiv nou:

Piblisite


Piblisite