Revelation 16:14 - De Beebaa Dabu

¹⁴ Aagai denga hagasaalunga baubau laa e hai denga sauaa, gai gilaadeu ne hulo gi daho denga hodooligi alodahi o henua i lalo, ga hagabuni mai gilaadeu e hagadabena ange gi de hebagi i de laangi maolunga o de Maadua Mmahi Mmao laa.

Revelation 16:14 Referans Kwoze

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

1 Timothy 4:1

Gai de Hagasaalunga ⌊Dabu⌋ gu tala bolo hanu e daahuli gee naa i de gai i laangi hagaodi, gai gilaadeu ga daudali i lodo o hagasaalunga hadu muna aama de agoago i daho denga hagasaalunga baubau.

Revelation 20:8

gai ia e sao mai naa ga hagasenga denga huaahenua i henua i lalo alodahi, e bei go Gog ma Magog, ga hagabuni mai gilaadeu e hagadabena ange gi de hebagi; gai taelodo o de gau laa e bei denga gelegele i gabugabu tai.

1 John 5:19

Gidaadeu e iloo bolo gidaadeu ni dama donu nii de Maadua, aagai henua i lalo alodahi e dagodo i lalo ssauaa o de ia hagabaubau.

James 3:15

De iloo mee nei e dee se mee ne hano iho i de langi, aagai se mee mai i henua i lalo, ma mai i daho dangada aama i daho Satan.

Revelation 16:16

Gai denga hagasaalunga baubau laa ne hagabuni denga hodooligi i de mommee e hagaingoo ange laa go Armageddon i muna Hebrew.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

2 Thessalonians 2:9

Gai de humai o de ia e oohaa de hainga e hai hegau naa i ssauaa o Satan. Ia e hai naa denga hagadaagangaa sauaa mmahi, ma de hai denga hagailonga, ma mee hagalele mouli e hagasenga ai dangada,

Mark 13:22

Go hiidinga denga klisdo ma pelaabisi hadu muna, e loomai naa ga hai denga hagailonga ma mee hagalele mouli ga daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Romans 1:8

I mua nei, gai au e hagaahe ange de abodonu gi de Maadua i de ingoo o Iesu Klisdo i oodou hiidinga alodahi, go hiidinga dangada alodahi i henua i lalo gu langona dagodo o doodou kai ange gi de ia.

Revelation 16:7

Gai au ne langona de mommee o ssigidaumaha ne basa ga hai ange, “Uaa, Tagi Maolunga de Maadua Mmahi Mmao laa, au hagamodu muna ni muna abodonu gai e heohi!”

Revelation 13:3

Gai dahi biho o de manu alasala laa e dagodo be gu lagohia ma gu dai magau, aagai dono maanuga gu mahu. Gai henua i lalo alodahi ga daudali ange i de manu laa, i hiidinga de llele olaadeu mouli.

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

Ezekiel 14:9

Gai noo de pelaabisi gu hagasengalia gi basa pelaabisi, gai go au donu, Tagi Maolunga ne hagasengalia de pelaabisi laa, gai au e hagaabo naa dogu lima e hai baasi ange ai gi de ia, ga daa ia gi magau, e aau gee ai ia mai i daho ogu dangada, go de gau Israel.

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.

1 Kings 22:6

Gai de hodooligi o Israel ga hagabuni mai e haalau pelaabisi, ga ssili ange gi gilaadeu, “Ga hano au e hebagi ange gi Ramoth i Gilead be deai?” Gai gilaadeu ga hai ange, “Hannoo, gai de Ia Aamua e dugu adu naa goe, de hodooligi, gi hagadee kii ina de aduhale laa.”

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Joshua 11:5

Gai denga hodooligi nei ma olaadeu hagabuulinga hebagi ga hagabuni, ga loomai ga hagatuu olaadeu mommee nnoho gaainga i gaogao de vai go Merom, e hebagi ange ai gi de gau Israel.