Revelation 15:6 - De Beebaa Dabu

⁶ gai e dogohidu dangada de langi gu ssao mai i lo te hale dabu ma e hidu mee hagamaakau, gai gilaadeu e kahu i linen tea malamalama, gai e hanu mee dau goolo i honga olaadeu hadahada.

Revelation 15:6 Referans Kwoze

Revelation 1:13

gai dahi e duu i magavaa o denga mee dugu laama laa, ia e bei hoolinga o tangada, gai e gahu i de malo lloa, ma de dau dahi hau goolo i ono hadahada.

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.

Revelation 14:15

Gai gu sao mai ange hogi dahi dangada de langi i lo te temple, gai ia ga oo i de leo mmahi ga hai ange gi de ia e noho laa i honga de giliiga, “Haia dau kamaa duuduudia ai denga grain, i hiidinga gu dae mai de masavaa o de hagihagi; gai hua o henua i lalo gu maatua ma gu lleu.”

Luke 24:4

De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao.

Daniel 10:5

gai au ne galo age gu gidee dahi daane e gahu i malo linen, ma de nnoa dono ungaalodo i dahi mee nnoa e hai i goolo mai i Uphaz.

Revelation 14:17

Gai gu sao mai ange dahi dangada de langi i lo te temple i de langi, gai e dahi hogi ana kamaa kangi.

Revelation 19:8

gai de Maadua gu hai ia gi gahu i linen danuaa, ma de malamalama aama de gilimalali.” Gai linen danuaa laa go heohi o dangada o de Maadua.