Revelation 15:3 - De Beebaa Dabu

³ Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Revelation 15:3 Referans Kwoze

Psalm 111:2

Hegau a Tagi Maolunga e maolunga mmao, gai dangada e malangilangi ai e hagamaumau mee nei.

Psalm 139:14

Au e hagaahe adu de abodonu gi de goe i dau hai ne hai ai au; go hiidinga e hagamaatagu ma de hagalele mouli mmao, au hegau e hagalele mouli mmao, gai au e iloo donu de mee nei.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Hebrews 3:5

Gai Moses se dangada hai hegau ne hai hegau i de muna abodonu i de hale alodahi o de Maadua; ia ne tala hagadonu dagodo o mee e tala i muli mai.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Revelation 19:2

gai ana hagamodu ni muna abodonu ma de heohi. Ia gu hagamodu muna o de hine hai be se manu, ne haia laa ga hakino gee henua i lalo i de dagodo haisala, ma de sui ange dana daa ga maakau ono dangada hai hegau.”

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Deuteronomy 31:30

Gai Moses ne tala ange muna alodahi o taahili nei gi de huaadangada o Israel, mai i taamada ga dae ai gi de odi.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 11:17

ga hagataba, “Gimaadeu e hagaahe adu de abodonu gi de goe, Tagi Maolunga de Maadua Mmahi Mmao, go de ia e mouli iainei gai gu mouli mai donu madagidagi, go hiidinga koe gu hagahai hegau oo mmahi ma gu daamada ai de dagi.

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Daniel 6:20

De masavaa oona ne dae ai gi kilaa, gai ia ga oo ga hagahi Daniel, ga hai ange, “Daniel, tangada hai hegau o de Maadua e mouli laa, de Maadua oou e daumaha ange naa aagena i masavaa alodahi ne hagaola naa goe mai i denga laiono?”

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Psalm 145:6

Gilaadeu e tala naa dagodo sauaa o au hegau hagamaatagu; gai au e tala dagodo o doo maolunga.

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Psalm 105:5

Manadua ana hegau hagalele mouli, ana sauaa ma ana hagamodu gu tala.

Psalm 78:12

De Maadua ne hai denga hagailonga i madamada olaadeu dubuna i de henua go Egypt, i mommee go Zoan.

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

2 Chronicles 24:6

Gai de hodooligi ne hagahi tangada haimeedabu maolunga go Jehoiada ga ssili ange gi de ia, “Gu aha goe tigi hai ai naa daane de aamuli o Levi gi hulo gi hagabudulia mai i Judah ma Jerusalem taagisese gu hagamodu i daho Moses, tangada hai hegau o Tagi Maolunga, ma de gau Israel e hai ai de hale malo o de tala hagadonu?”

1 Chronicles 6:49

Aagai go Aaron ma ana dama daane ne haia denga sigidaumaha i honga de mommee o ssigidaumaha dudu, ma de mommee o ssigidaumaha o mee maanongi ma mee alodahi e hai i de Aabi Dabu mmao, e hagao ai haisala o Israel, bei dagodo mee alodahi a Moses, tangada hai hegau o de Maadua gu tala ange ai.

Revelation 14:8

Gai togolua dangada de langi ne daudali ange ga hagadaba, “Gu maoha! Gu maoha loo Babylon maolunga laa, go de aduhale ne haia denga huaahenua alodahi gi unumia uvaini o dono dagodo haisala!”

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Nehemiah 9:14

Koe ne hai gi iloo e gilaadeu dau Sabbath dabu, ma de gaavange gi gilaadeu au muna, ma au mee gu hagasauaa, ma au hainga mai i daho doo dangada hai hegau go Moses.

Deuteronomy 34:5

Gai Moses, tangada hai hegau o Tagi Maolunga, ne magau i de henua go Moab, bei de hai a Tagi Maolunga gu tala ai.

Deuteronomy 32:3

Au e tala dagodo de ingoo o Tagi Maolunga, gai duuhia de maolunga o taadeu Maadua.

Joshua 22:5

Aagai goodou kana ange daohia muna ma de daudali i hainga a Moses, tangada hai hegau o Tagi Maolunga gu tala adu gi goodou, ma de aaloha i Tagi Maolunga doodou Maadua, ma de hai ono lodo alodahi, ga hagallongo ange gi ana muna, ma de hagapigi ange gi de ia ga daumaha ange gi de ia i oodou lodo alodahi aama oodou hagasaalunga alodahi.”

De Beebaa go Job 36:24

Manadua de tuhi ana hegau, go mee a dangada e tuhi ai ia i taahili.

Psalm 18:30

De Maadua, ono dagodo e honu abodonu; muna a Tagi Maolunga e heohi abodonu. Ia se buibui niiolaadeu alodahi e mmuni i ono daha.

Psalm 92:5

Tagi Maolunga, au hegau e maolunga mmao, gai au maanadu e gelo mmao!

Psalm 111:7

Ia e hai hegau i de muna abodonu ma de heohi; ana muna alodahi ni muna abodonu,

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”