Revelation 14:7 - De Beebaa Dabu

⁷ Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 14:7 Referans Kwoze

Exodus 20:11

Go hiidinga ne ono laangi a Tagi Maolunga ne hai ai de langi ma henua i lalo, ma tai ma mee alodahi i ono lodo, aagai ia ne hagamabu i de hagahidu laangi. Deelaa ai, Tagi Maolunga ne hagamanuuia de hidu laangi ga hai gi dabu.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

Revelation 11:18

Denga huaahenua gu llili, aagai koe gu bole; gai de masavaa e hagamodu ai muna o de gau maakau, ma de hagao ange ai oo dangada hai hegau go denga pelaabisi ma dangada o de Maadua, go gilaadeu e maatagu i doo ingoo, go gilaadeu e maolalo ma gilaadeu e maolunga — aama de daa gi maakau gilaadeu e oohaa henua i lalo.”

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

Psalm 33:6

Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Revelation 16:9

Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

Revelation 4:9

Gai de masavaa naa huu a denga mee mouli laa e daahili ai, ga hagamahamaha ma de hagadubu, aama de hagaahe ange de abodonu gi de ia e noho laa i honga de nohoanga laa, go de ia e mouli laa ga hano ai e dee ngado mai,

Psalm 124:8

Taadeu bale go de ingoo o Tagi Maolunga, go de ia ne haia de langi ma henua i lalo.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Isaiah 40:6

De leo o dahi e hagadaba, “Oo gi laumalie doo leo!” Gai au ne ssili ange, “Aahee agu muna e oo e tala?” “Dangada alodahi e bei dagodo o denga helii, gai olaadeu mahamaha alodahi e bei denga huaala i lo te duu malaelae.

Revelation 19:5

Gai dahi leo ne basa mai i de nohoanga laa ma e hagadaba, “Duuhia taadeu Maadua, goodou ono dangada hai hegau alodahi, go goodou e maatagu i de ia, goodou e maolalo aabe e maolunga.”

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Isaiah 42:12

Gilaadeu gi hagamahamaha ina Tagi Maolunga, ma de tala dono tuhi i mommee i tagudai.

Psalm 89:7

De Maadua se ia hagamadagu ange gi de hagabuulinga hagasaele dabu; gai e hagamadagu ange i gilaadeu madali ia.

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

Revelation 8:10

Gai togodolu dangada de langi ne ili dana trumpet, gai dahi heduu laumalie mmao i lo te langi gu doo iho, gai e ula bei de lama gu haula laa, gai ne doo iho gi honga e dahi diba i diba e dolu o denga leevaa, ma denga saalingaa vai alodahi.

Luke 17:18

Teai ange laa donu se gilaadeu ne lodo e ahe mai e hagamahamaha ina de Maadua, go tangada henua gee nei donu huu?”

Daniel 8:19

Gai ia ga hai mai, “Tilo, au e tala adu gi iloo e goe dagodo o mee e hai i denga laangi hagaodi i hiidinga de bole ⌊o de Maadua⌋; mee nei ni mee e hai i laangi hagaodi i de masavaa gu lava laa i de hagamodu.

Ezekiel 7:6

De hagaodi gu baa mai! De hagaodi gu baa mai donu! Gu hidi age e hai baasi adu gi de goe, gai gu dae mai donu!

Ezekiel 7:2

“Tama a tangada, daalaa ange muna a de Ia Aamua go Iahweh gi de henua o Israel: De hagaodi! De hagaodi gu dae mai donu gi denga dege e haa o de henua.

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Isaiah 40:3

De leo o dahi e oo ma e hagadaba: “Hagadabena ina de haiava o Tagi Maolunga i lodo henua; hagasoea de haiava laumalie o taadeu Maadua i de vao.

Psalm 95:5

Niiana tai, i hiidinga go ia ne haia, gai go ia ne haia de henua mmasa.

1 Samuel 6:5

Gai goodou haia hanu mee be ni hagahoa i goolo ma gimoo ne oohaa laa de henua, e hagadubu ai de Maadua o Israel. Kana adu ia e aau gee naa dono lima e hagaduasala ai nei goodou ma oodou diinonga aama doodou henua.

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Revelation 18:19

Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”

Revelation 18:17

Go hiidinga ne dahi donu huu aoaa ne oha ai de lava o de aduhale laa ga deai!” Gai giabini alodahi, ma dangada e dele i de moana, ma de gau hai moni, aama dangada alodahi e hagao mee i honga de moana e hulo naa ga tuu i de mommee mmao,

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Matthew 25:13

Deenei ai, goodou dagitilo, go hiidinga goodou e dee iloo donu de laangi aabe go de aoaa laa.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Psalm 115:15

Tagi Maolunga gi hagamanuuia ina goodou, go de ia ne haia de langi ma henua i lalo.