Revelation 14:5 - De Beebaa Dabu

⁵ Gai e deai donu se hadu muna e gidee i olaadeu daha; gai gilaadeu e gilimalali.

Revelation 14:5 Referans Kwoze

Ephesians 5:27

gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.

Zephaniah 3:13

Gai dangada o Israel e doe e dee hai naa donu de mee dee heohi; gilaadeu e dee tala naa donu denga muna hhadu, gai e deai naa hogi se muna hagasenga alaadeu e tala. Gilaadeu e gaimee naa ma de daakodo iho i de baba, gu deai dangada e haia gilaadeu gi maatagu.”

Psalm 32:2

E manuuia tangada a Tagi Maolunga e dee dau ange ono baubau gi de ia, gai ono lodo e deai se muna hagasenga iai.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Colossians 1:22

Aagai iainei ia gu hagadanuaa oodou magavaa i de angaanga o Klisdo i dono magau, gai ia ga gaavange ai goodou gi de ia, goodou gu dabu ma de gilimalali, gai gu dee hagabaubau i mada luoono mada —

Luke 23:4

Gai Pilate ga hai ange gi de gau haimeedabu maolunga ma dangada soa, “Au e dee gidee dahi mee daudahi e hagabuu ange ai ssala gi taane nei.”

1 Peter 3:10

Go hiidinga “Tangada e lodo gi mouli ia, ma de gidee denga laangi danuaa, gai ia gi daohia dono alelo i de baubau, gai doo ngudu gi dee daalaa hanu muna hhadu.

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Hosea 10:2

Gilaadeu gu llodo lagolago, gai gilaadeu e hagaduasala naa donu i hiidinga olaadeu baubau. Tagi Maolunga e oha naa olaadeu mommee o ssigidaumaha, ma duludulu o olaadeu diinonga.

Daniel 6:4

Gai denga daane hagaseesee ange laa, ma dagi o denga vaaenga ne ssala delaadeu hai e hagabaubau ai Daniel i de hainga. Gai gilaadeu tee gidee dahi mee dee heohi daudahi e hagabaubau ai ia, go hiidinga ia e hai hegau i de mee abodonu, teai hogi se mee hakino gee be se dee kana ange i ono daha.

Proverbs 8:8

Muna alodahi aagu e tala e heohi, e deai donu se muna dee heohi aabe se muna hhadu iai.

Psalm 34:13

Koe gi daohia doo alelo mai i de baubau, gai doo ngudu gi dee daalaa hanu muna hhadu.

Isaiah 53:9

Gilaadeu ne hai dono daanunga madali de gau baubau, gai dono mommee ne danu ai madali dahi daane lava, e dee galemu donu teai donu ono baubau, aabe ia ne tala dahi muna hagasenga i dono ngudu.

Psalm 55:11

Gu maoha mee alodahi i lo te aduhale; mee hagamaatagu ma denga muna hhadu gu dagodo i honga ono haiava.

Song of Songs 4:7

Dogu dau soa, koe e mahamaha mmao; e deai donu se mee baubau daudahi i doo angaanga.

Malachi 2:6

Gai ia e agoago mee heohi i dono ngudu, gai e deai donu se mee dee heohi e tala i dono ngudu. Gai ia ne seesee madali au i de baba ma de heohi, gai ne hagadaahuli gee dangada soa mai i olaadeu baubau.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 Peter 2:22

“Ia tee haisala donu, ia tee tala hogi dahi muna hagasenga i dono ngudu.”