Revelation 14:15 - De Beebaa Dabu

¹⁵ Gai gu sao mai ange hogi dahi dangada de langi i lo te temple, gai ia ga oo i de leo mmahi ga hai ange gi de ia e noho laa i honga de giliiga, “Haia dau kamaa duuduudia ai denga grain, i hiidinga gu dae mai de masavaa o de hagihagi; gai hua o henua i lalo gu maatua ma gu lleu.”

Revelation 14:15 Referans Kwoze

Joel 3:13

Hagaabo ina de kamaa, go hiidinga denga huamanu gu lleu. Hannoo, dagadagahia denga grape, i hiidinga gu honu de mommee e kumi ai uvaini, gai mommee hhao uvaini gu honu malingilingi — olaadeu baubau gu lagolago mmao!

Mark 4:29

Aagai de masavaa huu ne maatua ai denga grain, gai dangada ga duuduu i de kamaa, go hiidinga gu dae mai de masavaa o de hagihagi.”

Matthew 13:39

De hagadaumee ne dooa denga helii, go de ia hagabaubau laa. Aagai de masavaa o de hagihagi go de hagaodi o henua i lalo, gai de gau hagihagi go de gau de langi.

Jeremiah 51:33

Gai e hagadaba Tagi o denga hagabuulinga hebagi, de Maadua o Israel: “Tamaa hine o Babylon e bei de mommee hili huamanu, i de masavaa oona e dagadagahia ai; dono masavaa e hagihagi ai gu dai dae mai donu.”

Revelation 14:18

Gai gu sao mai ange dahi dangada de langi i de mommee o ssigidaumaha, go de ia e dagidiiloo de ahi laa, gai ia ne oo i de leo mmahi ga hai ange gi tangada de langi e daohia laa dahi kamaa kangi, “Haia dau kamaa duuduudia ai denga gau looloa o de grapevine o henua i lalo, go hiidinga ono grape gu lleu.”

Matthew 13:30

Gai dugua gi ssomo age alodahi ga dae ai gi de masavaa e hagihagi ai, gai au ga hai de gau hagihagi gi hagabudulia denga helii gi noonoodia gi ni noodanga e dudu ai, gai ga hagabudulia denga grain gi moolia gi haoa gi lo tagu mommee doange gai.’ ”

Revelation 16:17

Gai de hidu dangada de langi ne llingi ange mee i lo tana boolo gi lo te moana i lunga. Gai dahi leo mmahi ne basa mai i honga de nohoanga i lo te temple, ga hagadaba, “Gu lava!”

Matthew 23:32

Goodou hagalava ina hegau baubau a oodou damana ne daamada laa!

Revelation 15:6

gai e dogohidu dangada de langi gu ssao mai i lo te hale dabu ma e hidu mee hagamaakau, gai gilaadeu e kahu i linen tea malamalama, gai e hanu mee dau goolo i honga olaadeu hadahada.

Revelation 14:14

Gai au ne galo age hogi gu gidee dahi giliiga tea, gai honga de giliiga laa e noho ai dahi e bei hoolinga o tangada, honga dono biho iai dahi hau goolo, gai ia e poo dahi kamaa kangi i dono lima.

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Revelation 13:12

Gai ia ne hai hegau i ssauaa alodahi o tahi manu alasala laa ga sui ai tahi manu laa, ma de hai henua i lalo ma dangada e nnoho ai gi daumaha ange gi tahi manu alasala laa, go de manu alasala ne mahu laa dono maanuga kona laa.

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.

Genesis 15:6

Gai Abram ne hagadonusia muna a Tagi Maolunga; deelaa ai, Tagi Maolunga gu dau ia bolo se dangada e heohi.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 14:16

Gai de ia e noho laa i honga de giliiga ga hagaabo ange dana kamaa gi honga henua i lalo, gai henua i lalo gu odi i de hagihagi.

Revelation 14:17

Gai gu sao mai ange dahi dangada de langi i lo te temple i de langi, gai e dahi hogi ana kamaa kangi.