Revelation 14:14 - De Beebaa Dabu

¹⁴ Gai au ne galo age hogi gu gidee dahi giliiga tea, gai honga de giliiga laa e noho ai dahi e bei hoolinga o tangada, honga dono biho iai dahi hau goolo, gai ia e poo dahi kamaa kangi i dono lima.

Revelation 14:14 Referans Kwoze

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Revelation 1:13

gai dahi e duu i magavaa o denga mee dugu laama laa, ia e bei hoolinga o tangada, gai e gahu i de malo lloa, ma de dau dahi hau goolo i ono hadahada.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

Luke 21:27

De masavaa laa gai dangada e gidee naa Tama a Tangada e humai i honga giliiga i ssauaa aama de mahamaha laumalie.

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Psalm 97:2

Denga hagausinga ma de gohu boo dangodango e duuli ia; dono nohoanga hodooligi e hagaduu i de heohi ma de hagamodu muna heohi.

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Ezekiel 1:26

Gai lo te moana i honga olaadeu biho laa iai dahi mee be se nohoanga hodooligi e hai i sapphire; gai honga de mee be se nohoanga hodooligi laa e noho ai dahi e bei hoolinga o tangada.

Psalm 21:3

Koe gu humai ma gu gaavange gi de ia denga manuuia danuaa; koe gu hagauda ange gi honga dono biho de hau goolo danuaa.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Revelation 19:12

Gai luoono ganomada e bei de ahi ula, gai ia e hagauda denga hau lagolago i honga dono biho, gai e dahi ingoo e sisi ange gi de ia, gai e deai donu se dangada e iloo dono hagadoonunga, go ia donu huu.

Revelation 11:17

ga hagataba, “Gimaadeu e hagaahe adu de abodonu gi de goe, Tagi Maolunga de Maadua Mmahi Mmao, go de ia e mouli iainei gai gu mouli mai donu madagidagi, go hiidinga koe gu hagahai hegau oo mmahi ma gu daamada ai de dagi.

Revelation 10:1

Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

Mark 4:29

Aagai de masavaa huu ne maatua ai denga grain, gai dangada ga duuduu i de kamaa, go hiidinga gu dae mai de masavaa o de hagihagi.”

Matthew 13:30

Gai dugua gi ssomo age alodahi ga dae ai gi de masavaa e hagihagi ai, gai au ga hai de gau hagihagi gi hagabudulia denga helii gi noonoodia gi ni noodanga e dudu ai, gai ga hagabudulia denga grain gi moolia gi haoa gi lo tagu mommee doange gai.’ ”