Revelation 12:17 - De Beebaa Dabu

¹⁷ Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 12:17 Referans Kwoze

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Revelation 11:7

Gai de masavaa naa huu e lava ai de tala alaau muna, gai de manu alasala ne hanage laa i lo te geelonga e deai laa sono dagelo, ga hebagi ange gi gilaau ga hagadee kii gilaau ma de daa gilaau ga maakau,

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

Revelation 13:7

Gai gu gaavange ssauaa gi de manu laa gi hebagi ange ai gi dangada o de Maadua, ma de hagadee kii gilaadeu. Gai gu gaavange gi de ia ssauaa e dagi ai denga aamuli alodahi, ma denga huaadangada, ma dangada e pasa i denga hagadaagangaa muna, aama denga huaahenua alodahi.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

1 John 5:10

Be goai e hagadonusia Tama Daane a de Maadua, gai ia e daohia de tala hagadonu nei i ono lodo. Gai tangada e dee hagadonusia de Maadua gu hai de Maadua gi se ia hadu muna, go hiidinga ia tee hagadonusia muna a de Maadua gu tala ai dagodo o dana Dama Daane.

1 John 5:2

Gai deenei taadeu hai e iloo ai bolo gidaadeu e aaloha i dama a de Maadua, go taadeu aaloha i de Maadua ma de daudali i ana muna.

1 John 2:3

Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 19:19

Gai au ne gidee de manu alasala laa ma denga hodooligi o henua i lalo, madali olaadeu hagabuulinga hebagi gu hagabuni e hebagi ange gi de ia e gage laa i honga de hoosa, ma dono hagabuulinga hebagi.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

1 Corinthians 2:1

Denga daina, dogu masavaa ne dae adu ai gi oodou daha, gai au tee hanadu ga agoago adu goodou i muna a de Maadua i muna maolunga, aabe go de iloo mee o dangada.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Revelation 12:16

Aagai de gelegele ga bale ange de hine laa; de gelegele ne mahuge age ga holo vai a de dragon ne busi mai laa i lo tono ngudu.