Revelation 12:15 - De Beebaa Dabu

¹⁵ Gai de labodo laa ga busi mai vai i lo tono ngudu e hai ai ssaalingaa vai gi dolohia de hine laa, gi dahea ai ia i de mee mmilo laa.

Revelation 12:15 Referans Kwoze

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Psalm 18:4

Denga daula o de magau gu vini au; de mee mmilo e oohaa laa mee gu haoli au.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Psalm 65:7

koe ne hai gi malino honga tai beabeau, ma de hai gi dee hagalongaa denga beau, gai ne hai gi dee hellumi denga huaadangada.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Genesis 3:1

Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?”

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 12:16

Aagai de gelegele ga bale ange de hine laa; de gelegele ne mahuge age ga holo vai a de dragon ne busi mai laa i lo tono ngudu.

Revelation 20:2

Gai ia ne poo de dragon, go de labodo madagidagi laa, go de ia hagabaubau, go Satan, ga nnoa ia i e mano ngadau,